Soahtehistorjá

Nuppi máilmmisoađi áigge huksejuvvon Schutzwall-bealuštanstašuvnna plánegohte Náttašduoddara čohkaid alde, gos lei hui várddus. Bealuštanstašuvdna, mii lei oassi viidáset bealuštanplánas, ceggejuvvui Tankavaara birrasiidda Jiekŋamearageainnu goabbat beallai. Schutzwall-stašuvnnain geahččaledje suddjet duiskalaččaid háldui gártan Davvi-Lappi lulil boahtti áitagis. Oassi bealuštanstašuvnnas lea dán áigge Soabbada luonddumeahci rájiid siste.

Soabbada luonddumeahcis vuhttojit ainge soađi mearkkat. Leat earret eará soahtegeainnut ja bealtaluovit. Soahtegeainnut leat logiid kilomehteriid mielde Schutzwall-stašuvnna birrasiin. Muoras dahkkon bealtaluovit leat dábálaččat máŋggaidlot mehteriid guhkkosaš geaidnojoatkagat, mat leat oaivvilduvvon jekkiid ja eará váttis meahcceeastagiid rasttildeapmái. Dán áigge bealtaluovit leat juo buorre muddui mieskan ja báikkuid duollu lea bolton daid bajás.

Soađiáigásaš boares geainnuid atnet dán áigge vánddardanjohtolahkan. Soabbada luonddumeahcis beassá vácci Koilliskaira luondduguovddážii Tankavaarai. Johtolat lea merkejuvvon ja manná muhtumassii soađiáigásaš geainnu mielde, muhtumassii luonddubálgá mielde.