Suoločielggi meahcceoasi oaidnámušat
Sokosti
Sokosti-duoddara čohka ala goargŋun lea máŋgga vánddardeaddji niehku ja mihttomearri. Sokosti allána 718 mehterii ja lea Urho Kekkonen álbmotmeahci ja seammás Nuorta-Lappi alimus várri. Dat lea Luirujávrri nuorttabealde.
Luirujávri
Urho Kekkonena álbmotmeahci bearal Luirujávri lea álbmotmeahci gaskaoasis ja dat lea bivnnuhis vánddardanbáiki. Kuusela láigostohpu, Luirujávrri ávdin- ja várrehusstohpu, Rájá barta ja Raappana gámme fállet Luirujávrris vánddardeaddjái albma buorre idjadanbáikkiid.
Ukselmaoaivi
Ukselmaoaivvis rahpasa álbmotmeahci fiidnáseamos oainnus! Álbmotmeahci nubbin alimus duottar allána 698 mehtera allodahkii. Ukselmaoaivvi eana lea goike duottarguolbba, álki johtit.
Paratiisikurču
Paratiisaškurču lea Urho Kekkonena álbmotmeahci okta čábbáseamos báikkiin. Skurččus leat guokte šerresčázát duottarluobbala, main nubbái golgá gorži. Muohta bissu skurččus gitta guhkás geassái. Šattolašvuohta lea veahkat, ja dáppe sáhtát imaštallat earet eará hiirenporras-gáiskki. Paratiisiskurču lea Ukselmaoaivvi oarjedavábealde. Skurčui johtá Čoarveádjagis čielga bálggis, mii joatkašuvvá skurččus vel Ukselmaoaivvi ravdii.
Biropoarta
Biropoarta lea namas lágan juovvageađgás skurču, mii doaibmá máđidjan Paratiisaskurčču guovllus Muorravárrái. Muohta bissu itkkus Biropoarttas guhkás geassái. Dálvit skurččus lea muohtauđasvárra. Biropoarta lea Ukselmaoaivvi nuortaluli bealde.
Muohtaskurču
Muohtaskurču álgá hirbmat stuorra ceakkobáktin Muohtaoaivvi ja Ukselmaoaivvi gaskkas. Skurču lea ožžon namas das, ahte muohta bissu measta oppa geasi dan ceakko nuortaseainni vuolde. Skurčču suddančáziin oačču álggus unna, šerresčázát ája. Dat golgá leahkái, gos dan gáttiin sáhttá imaštallat párkalágan marastaga, vilgesgalddat lagežiiguin, sámmáliid ja gáiskkiid birastahtti omuid ja veahkadis gieddedielkkuid. Dálvit skurččus lea muohtauđasvárra.