Šuoma nuortalašgieddi
Nuorta-Lappi
Soađegilli (www.sodankyla.fi)
Urho Kekkonena álbmotmeahcci
Čuozáhaga dikšu Meahciráđđehus.
Šuoma nuortalašgieddi lea Urho Kekkonena álbmotmeahcis Šuoma guoras moadde kilomehtera Áitejávrris nuorttasdavás. Ássangiettis leat 1940-logus ássan nuortalaččat. Dát boares ássanguovlu lea suddjejuvvon ja ovddeštuvvon.
Šuoma nuortalašgieddi lei Semenoffa bearraša, mii lei eret Beahcáma Suonnjelis, geassebáikin jagiid 1946-1948. Dat lea dán áigge Suomas nuortalaččaid eallimis buoremusat seilon visteollisvuohta, mii lea huksejuvvon Suonnjela ovddeš huksenvuogi mielde. Báiki lea kulturhistorjjálaččat ja nuortalašárbevieru dáfus divrras. Beahcámis eváhkkoi gártan Suonnjela nuortalaččat ásaiduhttojedje loahpalaččat Čeavetjávrái.
- Loga lasi Šuoma nuortalašgietti historjjás ja ráhkkanusain.
Rabasáiggit
- Šuoma nuortalašgieddái sáhttá oahpásmuvvat birra jagi.
- Váldovisti lea lohkas, muhto šilljobirrasa eará visttiide beassá friddja oahpásmuvvat. Sávnni ii oaččo ligget.
- Šuoma nuortalašgiettis ii leat bargoveahka
Oktavuohtadieđut
- Lassedieđuid čuozáhagas oažžu Nuorttabeale luondduguovddážis dahje Suoločielggi bálvalanbáiki Kiehinenis
Johtinoktavuođat ja kárttat
Biillain
- Biillain beassá nuortalašgieddái álkimusat Suoločielggi ja Avvila gaskkas Palkisojas Áitejávrái jorggiheaddji Lohtugeainnu mielde. Nuortalašgieddái lea Avvilis 53 km ja Suoločielggis 48 km. Áitejávrái vuoddjiid gánnáha álo diđoštallat meahccebiilageainnu ortnega Nuorttabeale luondduguovddážis dahje Suoločielggi bálvalanbáiki Kiehinenis.
- Áitejávrri parkerensajis rohtte bálggis moatte kilomehtera duohkai Nuortalašgieddái. Bálggis ii leat merkejuvvon meahccái.
Almmolaš fievrruiguin
- Almmolaš johtinoktavuođat nuortalašgieddái eai leat.
Elektrovnnalaš kárttat
- Meahciráđđehusa Retkikartta.fi (suomagillii)
- Urho Kekkonena álbmotmeahci kárta
Bálvalusat
- Šuoma nuortalašgieddái sáhttá oahpásmuvvat iešráđálaččat. Doppe ii leat oahpistanbargoveahka.
- Nuortalašgieddi lea museaguovlu, gos ii oaččo dolastallat iige gohttet.
- Lagamus ávdin- ja várrenstobut leat: Snellmaninmaja ávdinstohpu, Jyrkkävaara ávdin- ja várrehusstohpu ja Porttikoski ávdinstohpu
- Lagamus dolastallanbáikkit leat Áitejávrri ja Goahtejávrri (Kuátijävri,anárašgillii) gáttis.
- Šuomas oažžu guolástit UK-álbmotmeahci lustabivdolobiin nr 1563 (www.eräluvat.fi, suomagillii)
- Lassedieđut guovllu bálvalusain
- Suoločielgi (www.saariselka.fi, suomagillii)
- Anár (www.inari.fi)
Lihkadanlápmásiid bálvalusat
- Guovllus eai leat bálvalusat lihkadanlápmásiidda.