Šuomaruovttu boares gámpá
Nuorta-Lappi
Soađegili (www.sodankyla.fi)
UK-álbmotmeahcci
Čuozáhaga dikšu Meahciráđđehus.
Šuomaruovttu boares gámpá UK-álbmotmeahcis lea leamaš máŋggalágan anus. Álgoálggus dan huksejedje várra golleroggiid sávdnin 1935:s. 1940-logus Suomen Latu ordnii gámppá vánddardanatnui. Soađi áigge dat doaimmai soalddátpatrullaid doarjjabáikin. Dán áigge dat lea historjjálaš oahpásmuvvančuozáhat UK-álbmotmeahci vuođđooasis.
Šuomaruovttu boares gámppá historjá
1800-logu loahpageahčen Avviljoga guovlluin gávdnagohte golli. Dat dagahii "gollerumema", mii joatkašuvvai 1900-logu beallai ja vuhttui eará sajisge Lappis. Doaivvalaš golleohccit doamihedje maiddái Koilliskairai. Álbmotmeahcis leat dalá áiggis visttit ja ráhkadusat ja duokkot dákko golleohcanmearkkat meahcis. Šuomaruovttu boares gámpáge gullá oassin duon golleohcanáigodahkii.
Golleroggit ceggejedje vistti Šuomajoga gierragiidda 1935:s. Álgoálggus dat huksejuvvui golleroggiid sávdnin dasttán Šuomajoga gáddegurrii. Ieš ássamii oaivvilduvvon stuorát visti lei vehá badjelis njoaiddos johkavielttis. Hukseheaddjin doaimmai inšenevra Hollman.
Rabasáiggit
- Šuomaruovttu boares gámpá lea historjjálaš oahpásmuvvančuozáhat, mii lea birra jagi rabas. Dasa sáhttá oahpásmuvvat iešráđálaččat. Gámppá lusa beassá geassit vácci, dálvit čuoigga. Kiilopääs lea gámppá lusa sullii 14 km.
Oktavuođadieđut
- Lassedieđuid gámppás oažžu Nuorttabeale luondduguovddážis ja Suoločielggi bálvalanbáiki Kiehinenis.
Johtinoktavuođat ja kárttat
Almmolaš johtinoktavuođat
- Roavvenjárggas johtet Avvilii váldogeainnu nr 4 (E 75) mielde moanat beaivválaš linnjabiilaruvttot, maiguin beassá álbmotmeahci lahkosiidda (linnjabiillat: Roavvenjárga - Soađegilli - Vuohčču - Tankavaara - Kakslauttanen (Kiilopää) - Suoločielgi - Avvil). Áigedávvalat gávdnojit Matkahuolto (www.matkahuolto.fi, suomagillii) neahttasiidduin. Linnjabiillat leat joatkkaoktavuođat Roavvenjárgii boahtti togain (www.vr.fi, suomagillii) ja girdiin (www.ilmailulaitos.fi, suomagillii).
- Avvilii (www.finavia.fi, suomagillii) boahtti girdiin lea linnjabiilaoktavuohta Suoločielgái ja Kiilopääi.
Biillain
- Šuomaruovttu boares stobu lusa ii beasa biillain, muhto vácci dahje čuoigga. Vánddardeami álggahanbáikkit leat moanat Suoločielggi - Kiilopää guovllus. Vuodjinrávvagat Suoločielggi guovllu vuolginsajiide.
- Vuodjinráva Nuorttabeale luondduguovddážii
- Vuodjinráva Suoločielggi bálvalanbáiki Kiehinenii
Kárta
Elektrovnnalaš kárttat
- Meahciráđđehusa Retkikartta.fi (suomagillii)
- Eanamihtidandoaimmahaga kártabáiki (www.karttapaikka.fi, suomagillii)
Bálvalusat
- Šuomaruovttu boares gámpá lea iešráđálaš oahpásmuvvančuozáhat, mas ii leat oahpistanbargoveahka eaige bálvalusat.
- Lagamus stohpu lea joga nuppe bealde leahkki Šuomaruovttu ođđaset ávdin- ja várrenstohpu sullii 400 mehtera duohken. Doppe leat maiddái dolastallanbáiki, muorravisti ja goikehivsset.
Lápmásiid bálvalusat
- Šuomaruovttu boares gámppás eai leat lápmásiidda lágiduvvon bálvalusat.