Áidnalunddot duovdagiid lassin Urho Kekkonen álbmotmeahccái hohkaha maiddái álbmotmeahci ivdnás historjá. Guovlu ii leat ovddežis, jos das ii livčče dan vássán áigi ja boares ráhkadusat muitaleamen doppe ássán olbmuin. Meahciráđđehusa luonddubálvalusat lea moatti maŋimuš jagi áigge divvon dain máŋggaid. Joatkaga eallimii leat ožžon boares nuortalašgiettit, Ráji-Jovsseba ássanráhkadusat ja Šuomaruovttu ođđa stohpu.
Lappi boares ráhkadusat leat earenoamáš mávssolačča
Lappi soađi áigge davviguovllu ráhkadusat boldojuvvojedje, nuba báhcán ráhkadusat leat hui divrasat. Urho Kekkonen álbmotmeahcis leat sulaid golbmalogi eará vugiin suodjaluvvon ja seamma lohku eará kulturhistorjjálaččat divrras ráhkadusat dahje rusttegat. Moatti maŋimuš jagi áigge máŋgasii daidda leat ožžon divvumiin joatkkaáiggi.
Nuortalašgittiid gáhtut ja divvunplána
Máŋgasii oahpis álbmotmeahci davvenuortti golmma nuortalašgietti, Oskarinkoski ja -järvi ja Šuomajoga, ráhkadusat ožžo ođđa gáhtuid. Maiddái beakkán Ráji-Jovsseba beakkán ráhkadusaid leat divvon seailut boahttevuhtii. Seammás maiddái dahke divvunplánaid muhtun eará ráhkadusaide boahttevaš divvumiid várás.
Álbmotmeahci johttiide historjjálaš vuoiŋŋa bukti vuoiŋŋastanbáikin lea lihkostuvvan seailluhuvvot maiddái Šuomaruovttu boares museabarta. Almmá gáhtu divvuma livččii luondu dan váldán farga badjelassi. Museabartta lusa ceggejuvvo eatnama suttadettiin maiddái ođđa oahpistangalba muitalit báikki historjjás. Oahpistangalbbat gárvvistuvvojit maiddái Kopsusjärvii ja Luulampii, main duháhiid jagiid dassái ássán olbmot leat bivdán gottiid.
Ovttasbargu rastá rájáid
Ráhkadusaid lea gádjon Suoma, Ruošša ja Norgga oktasaš ABCGHeritage - Davvi árbámet (Pohjoinen perintömme) -fidnu, mii lea ruhtadan kulturárbbi vuhtii váldima buot golmma riikkas. Fidnu lea maiddái ovddidan máhtolašvuođa molsuma badjel riikkarájáid. Meahciráđđehusa luonddubálvalusaid bargoveahka finai Pasvik luonddumeahcis addimin ránnjáveahki boares suomaduogáža vistti ortnega árvvoštallamis ja dahkamin dasa divvun- ja sirdinplána oktan golloárvvoštallamiin. Urho Kekkonen álbmotmeahci ráhkadusaid ordnemis dahke ovttasbarggu maiddái Lappi ámmátoahpahaga restaurerenčeahppistuđeanttaiguin.
Lassidieđut
- ABCGHeritage - Davvi árbámet (Pohjoinen perintömme) -fidnu (www.metsa.fi, suomagillii)
- Urho Kekkonen álbmotmeahcci