// Om NAV // Kontakt oss
Gáibádusat lága vuođul: dekningsloven § 9-3 nubbi lađas
Tariffašiehtadus;
Tariffašiehtadus gullá bargo- ja bálkáeavttuide dahje eará dilálašvuođaide ja sohppojuvvo gaskal fágasearvvi ja bargoaddi dahje bargoaddisearvvi. Bálkágáibádusa, mas mearrebeaivi lea dievvan maŋŋil njeallje mánu ovdal áigemeari, sáhttá liikká gokčat, jus don ákkahis áji haga, maŋŋel mearrebeaivvi, leat geahččalan bearrat gáibádusa, dahje konkursalága § 63 mielde leat geahččalan bargoaddi oažžut rahpat konkurssa.
Man muddui dus lei ákkahis ádji árvvoštallojuvvo konkrehtalaččat. Hálddašangeavvada dábi mielde sáhttet dohkkehit gitta guoktenuppelohkái vahku áigodaga mearrebeaivvi rájes ja dassážii go bearran álggahuvvo. Gáibiduvvo ahte bargojuvvo ákkahis áji haga jeavddalaččat miehtá bearran- ja/dahje konkursaproseassa.
Luopmoruhtagáibádusa mii lea čoggon maŋŋel 24 mánu ovdal áigemearrebeaivvi, sáhttet liikká gokčat jus luopmoruđaid gáibádusmearrebeaivi dievai maŋŋel njeallje mánu ovdal áigemeari. Bálkágáibádusa spiehkastusnjuolggadus guoská maiddái luopmoruđa gáibádussii, jus bargi almmá ákkahis áji lea geahččalan bearrat gáibádusa, dahje konkursalága § 63 mielde lea geahččalan oažžut bargoaddi rahpat konkurssa. Geahča bálkágáibádusa oasis eambbo ákkahis áji birra.
