Váhnenruđat sihkkarastet sisaboađu váhnemiidda adopšuvnna oktavuođas. Láhka rievddai suoidnemánu 1.beaivvi 2009. Doarjjaáigodagaide sáhttá válljet iešguđetlágan guhkkodaga, gitta das váldet go fuolahanovddasvástádusa badjelasat ovdal suoidnemánu 1.beaivvi vai maŋŋil geassemánu 30.beaivvi 2009.
Váhnenruđa oažžu go dienas ja sisaboahtu lea addán penšuvdnapoeŋŋaid unnimusat guhtta mánu maŋemus logi mánus ovdalgo doarjjaáigodat álggii. Jahkesisaboahtu galgá leat unnimusat bealli álbmotoaju vuođđosupmis. Dássálaga dienasbargguin leat
Eará dilit sáhttet maid dohkkehuvvot dássálaga dienasbargguin. Dat leat
Dan oasis sisaboađus, mii lea guđa geardde badjelis álbmotoaju vuođđosumma, it oaččo doarjaga.
Váhnenruhta meroštallojuvvo dábálaččat bargodietnasa vuođul mii dus lei go virgelohpi álggii. NAV almmatge árvvoštallá juohke ášši sierra. Bargit ožžot luopmoruđa váhnenruđas. Váhnemat ožžot oktiibuot luopmoruđaid vuosttaš 12 vahku ovddas dan rájes go váldet 100 % váhnenruđa. Go eadni váldá vuosttaš 12 vahku, de oažžu dušše son luopmoruđa. Jus váhnemat váldet 80 % váhnenruđa, de addojuvvo oktiibuot luopmoruhta vuosttaš 15 vahku ovddas. Jus dušše nubbi váhnen lea dienasbarggus, de oažžu son buot luopmoruđaid.
Jus don leat iešheanalis ealáhusdoalli dahje luođobargi, meroštallat váhnenruđaid golmma maŋemus jagi gaskamearálaš penšuvdnaaddi sisaboađu vuođul. NAV almmatge árvvoštallá juohke ášši sierra.
Geavat NAV neahttasiidduin Foreldrepengeveilederen rehkenastit man olu dutnje bohtet váhnenruđat.
Jus váldet máná fuolaheami badjelasat suoidnemánu 1.b. 2009 dahje maŋŋel, lea váhnenruđa doarjjaáigodat 43 vahku go váldá 100 % doarjaga dahje 53 vahku go váldá 80 % doarjaga. Jus váldet máná fuolaheami badjelasat ovdal suoidnemánu 1. beaivvi 2009, lea doarjjaáigodat jogo 41 dahje 51 vahku.
Sáhttá válljet váldá go 100 % dahje 80 % váhnenruđa. Goappaš váhnemiin lea vejolaš válljet ja válljen guoská olles áigodahkii. Okta vahkku lea vihtta doarjjabeaivvi. Lávvordagaid ja sotnabeivviid ovddas ii leat doarjja.
Fuomáš! Go váldá 80 % váhnenruđa, de lea ollislaš olggosmáksu veahá vuollelis go 100 % váhnenruđa mávssu ektui.
Doarjjaáigodaga sáhttá maŋidit láhkamearriduvvon luomu geažil (ii luopmu tariffašiehtadusa mielde), jus don dahje mánná lea dearvvašvuođainstitušuvdnii sisačálihuvvon, dahje jus don leat ollesáiggi virggis.
Jus áhčči hálida maŋidit áhččeeari, de galgá dán ohcat ovdalgo nohká doarjjaáigodat, mii ii leat áhččeearri (oktasašvahkut).
Váhnenruhta ii addojuvvo maŋŋel go golbma jagi lea vássán dan dáhtomis go máná váldet badjelasat. Mánná galgá leat vuollel 15 jagi jus galgá leat riekti oažžut váhnenruđa. Váhnenruhta ii addojuvvo go adoptere náittusguoimmi máná.
Lea vejolaš váldit graderejuvvon váhnenruđa go leat muhtin oasi barggus ja de oaččut veahá váhnenruđa. Váhnenruhtaáigodat guhkiduvvo dan dihte go máksojuvvo dutnje veahá unnit juohke beaivvi guhkit áiggi. Ruhtamáksu lea seammá mađe go dalle go it váldde graderejuvvon váhnenruđa.
Logi vahku gullet áhččái (áhččeearri/áhččevirgelohpi). Jus váldet máná fuolaheami badjelasat ovdal suoidnemánu 1.beaivvi 2009, lea áhččeearri guhtta vahku. Eará doarjjavahkut leat oktasaččat goappaš váhnemiidda. Loga eambbo NAV neahttasiidduin "Stønadsperioden for foreldrepenger" Relatert informasjon oasis.
Jus áhčči váldá váhnenruđa mii ii gula áhččeearrái, gustojit sierra njuolggadusat mas leat gáibádusat eadnái. Loga eambbo NAV neahttasiidduin "Foreldrepenger til far ved fødsel og adopsjon" Relatert informasjon oasis.
Jus oažžubeahtti velá ovtta máná ovdalgo vuosttaš máná doarjjaáigodat nohká, de massibeahtti rievtti váldit daid vahkuid mat leat báhcán vuosttaš mánás. Dudnos lea baicca riekti oažžut váhnenruđa dievas áigodahkii ođđa máná ovddas.
Váhnenruđa galgá ohcat čálalaččat. Dát gusto vaikko bargoaddi máksá dutnje olles bálkká doarjjaáigodagas. Don ozat NAV neahttasiidduin blankeahtain "Søknad om foreldrepenger eller engangsstønad ved fødsel og adopsjon" man gávnnat Skjema og vedlegg oasis. Neahttasiiddus gávnnat vel makkár mildosat galget čuovvut ohcama. Geavat skovi "Vedlegg ved krav om foreldrepenger, engangsstønad og svangerskapspenger".
Bargoaddi deavdá skovi "Inntektsopplysninger for arbeidstaker" NAV 08-30.01, vai NAV sáhttá rehkenastit doarjjasturrodaga.Bargoaddi ferte maid deavdit skovi "Trekkopplysninger" (geasusdieđáhus) - NAV 08-30.02 jus don leat bargoaddi ja dus lea geasusgáibádus de ferte NAV máksit váhnenruđaid njuolga dutnje.
Jus bargoaddi máksá olles bálkká virgelobi áigodagas ja merkesta dan sisaboahto- ja vearrodieđáhussii ja dasto vel merkesta ahte váhnenruhta galgá máksot sutnje, de rehkenasto ahte bargoaddi gáibida álbmotoajus refušuvnna. Bargi galgá ieš gáibidit váhnenruđa vai bargoaddi oažžu refušuvnna.
Don oaččut doarjagiid duššefal golbma mánu maŋás áiggis dan rájes go ohcama ovddidit. Dán rehkenastit du dahje du bargoaddi maŋemus gáibádusa rájes. Jus nubbi dudnos ohcá maŋŋel dán meari, de geahpeduvvo ruhtamearri man olggosmáksit.
Ohcama sáddet NAV-kantuvrii.
Dáppe leat deháleamos dieđut vuoigatvuođaid ja geatnegasvuođaid birra. Eambbo dieđuid gávnnat liŋkkaid bokte. Muhtin dieđut leat beare dárogillii.
2010 beaivvit.
Ođđ.
|
Guo.
|
Nju.
|
Čuo.
|
Mie.
|
Gea.
|
Suo.
|
Bor.
|
Čak.
|
Gol.
|
Ská.
|
Juo.
|
---|---|---|---|---|---|---|---|---|---|---|---|
13.*, 25., 27. ja 29. | 3.*, 15.*, 24. ja 25. | 1.*, 3.*, 15.*, 24., 26. ja 31. | 8.*, 14.*, 23., 28. ja 30. | 5.*, 14.*, 25. ja 28. | 1.*, 3.*, 15.*, 23., 25. ja 30. | 5.*, 14.*, 23., 28. ja 30. | 4.*, 13.*, 25. ja 27. | 1.*, 3.*, 15.*, 23., 28. ja 30. | 5.*, 13.*, 25., 27. ja 29. | 3.*, 15.*, 24. ja 26. | 1.*, 3.*, 9.*, 15., 17., 21. ja 23. |