// Om NAV // Kontakt oss
Mávssuin ovdagihtii sihkkarastit ahte mánná oažžu vissis ruhtamávssu almmolaš ásahusas juohke mánu, jus ii máksojuvvo váhnenmáksu, dahje jus váhnenmáksu lea mearriduvvon vuollelii go dat máksu man sáhttá oažžut ovdagihtii.
Mánáin vuollel 18 jagi, geat eai oro ovttas goappaš váhnemiiguin, lea dábálaččat riekti oažžut mávssu ovdagihtii. Son gii duohtavuođas fuolaha máná, sáhttá gáibidit ja oažžut alccesis máksojuvvot mávssu ovdagihtii. Mávssu ovdagihtii ii oaččo mánáid ovddas geat orrot biebmoruovttuin dahje mánáidsuodjalusásahusain, dahje geaidda almmolaš ásahus earaládje máksá dievas birgendoarjaga.
Mánná galgá dábálaččat orrut dahje leat Norggas. Rehkenastojuvvo orrumin, jus mánná lea leamaš dahje galgá leat Norggas badjel 12 mánu. Jus deavdá vissis eavttuid, de sáhttá mánná orrut olgoriikkas gitta guhtta mánu áiggi ja liikká oažžut mávssu ovdagihtii. EØS-njuolggadusaid vuođul sáhttá mánná, gii orru eará EØS-riikkas go Norggas, oažžut mávssu ovdagihtii. Dat gusto ovdamearkka dihte dalle go nubbi váhnen bargá dáppe. Máksu ovdagihtii, go orru dahje fárre eará EØS-riikii, čilgejuvvo eambbo NAV dárogielat neahttasiidduin, Internasjonalt oasis.
Eaktun oažžut mávssu ovdagihtii lea earret eará ahte lea šiehtadus dahje šiehtaduvvo dahje mearriduvvo váhnenmáksu dan váhnemii gii ii oro mánáin ovttas. Dát váhnen galgá máksit váhnenmávssu NAV Innkreving bokte.
Máksu ovdagihtii mearriduvvo sisaboađu vuođul ja sáhttá leat 50, 75 dahje 100 proseantta ollislaš máksomearis. Máksomearri ođastuvvo suoidnemánu 1.beaivvi juohke jagi.
Máksomeari proseanta lea sisaboađu mielde, galle iežat máná dus leat iežat báikedoalus, leatgo náitalan, registrerejuvvon guoibmi, mielguoibmi dahje ovttaskas fuolaheaddji. Mávssu ovdagihtii ii oaččo, jus sisaboahtu lea badjel 320 geardde dievas mávssus ovdagihtii.
Jus du sisaboahtu ii leat badjel 320 geardde dievas mávssus ovdagihtii, de sáhtát oažžut olles máksomeari go
Jus mánná orru okto dahje ovttas earáin gii ii leat váhnen, de ii geahča mávssu sisaboahtu vuođul.
Jus mánás lea guovttesajes orrunbáikki, de son sáhttá oažžut mávssu ovdagihtii goappaš váhnemiin. Eaktun lea ahte mearriduvvo váhnenmáksu nuppi váhnemii, dahje ahte váhnemis alddis dahje nuppi váhnemis, ii leat ruđalaš várri máksit váhnenmávssu.
Jus deavdá namuhuvvon eavttuid, sáhttá mánná oažžut mávssu ovdagihtii gitta dan mánu lohppii go mánná deavdá 18 jagi.
Don gáibidat mávssu ovdagihtii go deavddát ohcanskovi. Dan gávnnat NAV neahttasiidduin Skovit ja mildosat (Skjema og vedlegg) oasis (seammá ohcanskovvi go birgendoarjagii – NAV 54‑00.05). Ohcanskovi mildosis oainnát movt don galggat duođaštit iežat sisaboađu.
Lea vejolaš oažžut mávssu ovdagihtii gitta golmma mánnui maŋás áiggis dan rájes go ozat, jus devdet dalle eavttuid oažžut mávssu ovdagihtii. Dan dihtii galggat gáibádusa ovddidit golmma mánu sisa dan rájes go deavddát eavttuid. NAV-kantuvrii sáddet ohcama oktan duođaštuvvon sisaboađuin.
Fylkka NAV-hálddahus mearrida du ohcama. Álggos dieđihit dutnje áššemeannudanáiggi birra. Maŋŋil fas dieđihit dutnje čalalaččat ášši mearrádusa birra.
Dáppe leat deháleamos dieđut vuoigatvuođaid ja geatnegasvuođaid birra. Eambbo dieđuid gávnnat liŋkkaid bokte. Muhtin dieđut leat beare dárogillii.
Máksomearri Ruhtamáksu juohke mánu
100 proseanta 1350 kruvnno
75 proseanta 1010 kruvnno
50 proseanta 680 kruvnno
Galle máná 75 % máksu ovdagihtii 50 % máksu ovdagihtii
1 163 201 - 275 700 kruvnno 275 701 - 432 000 kruvnno
2 163 201 - 324 600 kruvnno 324 601 - 432 000 kruvnno
3 163 201 - 373 500 kruvnno 373 501 - 432 000 kruvnno
4 163 201 - 422 400 kruvnno 422 401 - 432 000 kruvnno
5 dahje eambbo 163 201 - 432 000 kruvnno
Jus du sisaboahtu jagis lea 163 200 kr dahje vuollelis, sáhtát oažžut 100 % mávssu ovdagihtii. Jus du sisaboahtu jagis lea badjel 432 000 kr, de it oaččo mávssu ovdagihtii.
Galle máná 75 % máksu ovdagihtii 50 % máksu ovdagihtii
1 163 201 - 305 700 kruvnno 305 701 - 432 000 kruvnno
2 163 201 - 354 600 kruvnno 354 601 - 432 000 kruvnno
3 163 201 - 403 500 kruvnno 403 501 - 432 000 kruvnno
4 dahje eambbo 163 201 - 432 000 kruvnno
Jus du sisaboahtu jagis lea 163 200 kr dahje vuollelis, sáhtát oažžut 100 % mávssu ovdagihtii. Jus du sisaboahtu jagis lea badjel 432 000 kr, de it oaččo mávssu ovdagihtii.
|
Ođđaj. |
Guovvam. |
Njukčam. |
Cuoŋom. |
Miessem. |
Geassem. |
Suoidnem. |
Borgem. |
Čakčam. |
Golggotm. |
Skábmam. |
Juovlam. |
|
7 |
5 |
5 |
6 |
7 |
5 |
6 |
6 |
4 |
6 |
5 |
4 |
Máksu ovdagihtii boahtá maŋemusat 10.b. juohke mánu.
Ovdagihtii mávssu máksomearit
|
Máksomearri
|
Ruhtamáksu juohke mánu
|
|---|---|
| 100 % | 1 350 kr. |
| 75 % | 1 010 kr. |
| 50 % | 680 kr. |
