// Om NAV // Kontakt oss
Dárbbašlaš oahpu dahje oahpaheami čađahettiin sáhtát oažžut oahppodoarjaga. Oahppodoarjaga oaččut dušše dan áigodahkii go dus lea riekti nuppástusdoarjagii.
Sáhtát oažžut oahppodoarjaga jus dárbbašat oahpu nu ahte iežat bargguin nákcet iežat fuolahit. Oahppodoarjaga sáhttá addit sihke fidnoohppui ja dábálaš ohppui.
Ollesáiggi ohppui sáhttá oažžut oahppodoarjaga eanemusat golmma jahkái. Áigodat sáhttá guhkiduvvot jus leat čađaheame oasseáiggeoahpu. Doarjaga sáhtát oažžut dárbbašlaš dábálaš ohppui lassin dan golmma jahkái. It sáhte liikká oažžut oahppodoarjaga go leat olahan fidnogelbbolašvuođa.
Doarjja galgá gokčat skuvlaruđaid, skuvlaávdnasiid, mátkkiid jna. olggosgoluid. Sáhtát maiddái oažžut doarjaga gokčat liigeorrungoluid ja fárrenolggosgoluid oahpu čađahettiin. Loga eambbo olggosgoluid gokčama birra Láhkaásahusas oahppodoarjaga birra Njuolggadusat oasis neahttasiiddu olgešbealde válljenvejolašvuođain.
Oahppodoarjagis ii leat vearru.
Oahppodoarjaga ozat blankeahtain “Nuppástusdoarjaga ohcan, doarjja mánáidgehččui, oahppodoarjagii ja ovttaskas eatni/áhči fárrenolggosgoluide. Dáid gávnnat Skovit ja mildosat oasis olgešbealde válljenvejolašvuođain. Dáppe gávnnat maiddái dieđuid dan birra makkár mildosat/ duođaštusat galget čuovvut oahppodoarjaga ohcama.
Ohcama sáddet dahje doalvvut NAV kantuvrii.
NAV dan fylkkas gos ásat mearrida du oahppodoarjaga ohcama. Doppe oaččut álggus dieđu man guhká ášši ádjána meannudit. Oaččut čálalaš dieđu mearrádusa birra go ášši gerget meannudeame.
Ohppui olgoriikkas ii addojuvvo oahppodoarjja.
Galggat álohii dieđihit NAV-kantuvrii jus fárret dahje galggat orrut gaskaboddosaččat olgoriikkas. Loga eambbo olgoriikkas orruma birra Gaskariikkalaččat oasis neahttasiiddu olgešmenyas.
Dáppe leat deháleamos dieđut vuoigatvuođaid ja geatnegasvuođaid birra. Eambbo dieđuid gávnnat liŋkkaid bokte. Muhtin dieđut leat beare dárogillii.
