// Om NAV // Kontakt oss
Sáhtát oažžut doarjaga gokčat fárrenolggosgoluid jus šattat fárret barggu geažil.
Dus sáhttá leat riekti fárrendoarjagii jus leat okto eadni dahje áhčči ja šattat fárret barggu geažil. Galggat bidjat ovdan dieđuid mat čájehit ahte it sáhte oažžut heivvolaš barggu orrunbáikkis, dahje ahte orrunbáikkis it sáhte bargui álgit daningo dus váilu mánnái bearráigeahččanortnet. Galggat maiddái duođaštit ahte dus lea vásedin bargofálaldat dan báikkis gosa fárret. Dus ii leat riekti fárrendoarjagii jus earát gokčet olggosgoluid, nugo ovdamearkka dihte du bargoaddi.
Doarjja sáhttá addojuvvot go dus lea riekti nuppástusdoarjagii, dahje ovdalgo jahkebealli lea gollan dan rájes go nuppástusdoarjja nogai. Doarjja sáhttá gokčat sihke mátke- ja fárrenolggosgoluid, ja lea fárrenhivvodaga ja fárrenguhkkodaga darbbu duohken ja eará dakkáriid.
Fárrendoarjja gokčojuvvo hálbbimus lági mielde. Danin fertet viežžat unnimusat guokte haddefálaldaga.
Fárrendoarjja máksojuvvo ovttahávvásaš submin ja das ii leat vearru.
Don ozat blankeahtain “Nuppástusdoarjaga ohcan, doarjja mánnágehččui, oahppodoarjagii ja okto eatni/áhči fárrenolggosgoluide”. Dán gávnnat Skovit ja mildosat oasis neahttasiiddu olgešbealde válljenvejolašvuođain. Dáppe gávnnat maiddái dieđuid dan birra makkár mildosat/duođaštusat galget čuovvut fárrendoarjaga ohcama.
Ohcama sáddet dahje doalvvut NAV-kantuvrii.
NAV dan fylkkas gos ásat mearrida du fárrendoarjaga ohcama. Doppe oaččut álggus dieđu man guhká ášši ádjána meannudit. Oaččut čálalaš dieđu mearrádusa birra go ášši gerget meannudeame.
Galggat álohii dieđihit NAV-kantuvrii jus fárret dahje galggat orrut gaskaboddosaččat olgoriikkas. Eambbo olgoriikka orruma birra čuožžu Gaskariikkalaš oasis olgešbealde válljenvejolašvuođain.
Dáppe leat deháleamos dieđut vuoigatvuođaid ja geatnegasvuođaid birra. Eambbo dieđuid gávnnat liŋkkaid bokte. Muhtin dieđut leat beare dárogillii.
