Dás gávnnat skoviid ja bajilgova das makkár mildosat dárbbašuvvojit go sáddet ohcama NAV:i.
Buriin dokumentašuvnnain seastá áiggi. Sihke mii ja don seastit áiggu jus álggu rájes juo oažžut dokumeanttaid maid dárbbašit go galgat du ášši gieđahallat.
Jeara NAV-kantuvrras jus lea juoga maid it dieđe. Mii sáhttit maiddái čájehit dutnje mot galggat gávdnat dieđuid interneahttačujuhusas nav.no. Leat buresboahtin mis geavahit PC.
Skovit
- Gáibádus addosa birra riegádahttimis ja adopšuvnnas - NAV 14-05.05
- Bargi ja bargoaddi gaskasaš bargošiehtadus riegádahttin- dahje adopšuvdnaáigodagas - NAV 14-16.05
- Iešheanalis ealáhusdoalli/luođabargi ja NAV gaskasaš bargošiehtadus riegádahttin- dahje adopšuvdnaáigodagas - NAV 14-16.08
- Áhpehisvuođaruđa gáibádus iešheanalis ealáhusdoallái ja luođabargái - NAV 14-04.10
- Bargobearráigeahču blankeahtta gáibidit áhpehisvuođaruđa bargái
Mildosat gáibádussii/ohcamii
- Riegádahttinbeaivi. Doavttir dahje jortamovra galgá duođaštit beaivvi. Duođašteapmi galgá beaiváduvvon ja leat vuolláičállojuvvon maŋŋel 26. áhpehisvuođavahku. Seamma gusto dearvvašvuođakoartta kopiija dáfus.
- Adopšuvdnaduođaštus/-juolludeapmi ja vejolaš fuollabadjelasváldima dáhton.
- Sisaboahtodokumentašuvdna
- Bargu leamašan guhtta mánu dan maŋemus logi mánus
- Kopiija maŋemus mánu bálkálihpus
- Bargoaddi duođašteapmi bálkádieđuin – geavat sierra skovi sisaboahto- ja vearrodieđuide - NAV 08-30.01
- Bargoaddi ferte maid deavdit skovi "Trekkopplysninger" (geasusdieđáhus) - NAV 08-30.02 jus don leat bargoaddi ja dus lea geasusgáibádus de ferte NAV máksit váhnenruđaid njuolga dutnje.
- Bálkádieđut goappeš váhnemiid bargoaddis go áigu geavahit áhččeeari ja juogadit váhnenruđa áigodaga
- Iešheanalis ealáhusdoallis galgá revisora, rehketdoalli, livnnetdieđáhusa, ealáhusdieđáhusa dahje sullasaš kopiijain duođaštit sisaboađu dalle go doarjjaáigodat álgá.
- Eatni doaimma duođašteapmi, ollesáigge oahpu, ollesáigge dahje oasseáigge bargu, barggu lotnolagaid oahpuin mii oktiibuot vástida 100 proseantta, dahje ahte eadni buozanvuođa geažil mánnágeahču dáfus lea áibbas veahki hálddus. Gusto dušše dalle go áhčči áigu dábálaš váhnenruđa.
- Dokumentašuvdna das ahte eadni ovdal riegádahttima/adopšuvnna lea bargan unnimusat 50 proseantta virggis. Gusto dušše áhči áhččeeari riektái.
- Kopiija bargošiehtadusas. Gusto dušše dalle go gáibida graderejuvvon geavaheami dahje maŋidit áigodaga ollesáiggebarggu geažil
- Doaktáris čilgehusa doaibmannávccain go ohcá maŋidit áigodaga buozanvuođa geažil
Jus leaš, de bijat maiddái mielde:
- Dokumentašuvnna ollesáigge barggus eará EEO-riikkas váhnenruđa gártadanáigodagas
Ovttahávvásaš doarjaga ohcamis, bija mielde:
- Dokumentašuvnna orrunlobis
- Dokumentašuvnna olgoriikkaorrumis
- Riegádahttinbeavi. Doavttir dahje jortamovra galgá duođaštit dáhtona. Duođašteapmi galgá leat beaiváduvvon ja čállojuvvon maŋŋel 26. áhpehisvuođavahku. Seamma gusto dearvvašvuođakoartta kopiija dáfus.
- Adopšuvdnaduođaštus/-juolludeapmi ja fuollabadjelasváldima dáhton
