Doarjja ovttaskas eadnái/áhččái sihkkarastá sisaboađu sidjiide geat okto fuolahit mána ja lea veahkkin vai sii sáhttet iežaset birgehit barggu bokte
Don galggat leat jogo náitalkeahttá, earránan dahje sierranan. Ovttaseallima duohta botken sáhttá dihto eavttuid vuođul lohkkot dássálaga sierranemiin. Don galggat leat okto máná(id) fuolaheaddjin ja galggat deavdit eavttuid ahte ii eale ovttas máná nuppiin váhnemiin dahje ovttain geainna ovdal ledjet náitalan. Don it oaččo doarjaga jus dus lea mielguoibmi ja lea leamaš 12 mánu maŋemus 18 mánus. Don galggat leamaš álbmotoaju miellahttun golbma maŋemus jagi, ja don ja mánná galgabeahtti orrut ja leat Norggas. Muhtin eavttuin sáhttá spiehkastit dihto njuolggadusaid vuođul.
Buohkat leat ožžot doarjaga ovttaskas eadnin/áhččin, galget dieđihit NAV-kantuvrii rievdadusaid mat sáhttet váikkuhit rievtti oažžut doarjaga dahje doarjaga sturrodaga.
Don oaččut nuppástusdoarjaga jus it nagot ealihit iežat dan geažil go máná fuolahat.
Doarjja mánnageahččamii
Don oaččut doarjaga mánnageahččamii mii gokčá mánnageahččangoluid go ieš barggat, válddát oahpu dahje leat ohcame barggu.
Don oaččut oahppodoarjaga jus dárbbašat oahpu váldit vai boađát dan dillái ahte nagodat birget iežat bargguin.
Fárrendoarjja vai beassá bargui
Don oaččut fárrendoarjaga vai beasat bargui ja oaččut gokčojuvvot duohta mátke- ja fárrengoluid jus gárttat fárret barggu dihtii. Eaktun lea ahte ii gávdno bargu ruovttubáikkis, ja olggosgolut galget leat dárbbašlaččat ja govttolaš viidodagas.
Don galggat ohcat doarjaga ovttaskas eadnái/áhččái. Oza skovi www.nav.no / Skovit. Vállje skovi mas lea namma «Nuppastusdoarjaga ohcan, doarjja mánnagehččui, oahppodoarjja ja okto eatni/ahči fárrenolggosgoluide". Interneahtas gávnnat maid makkár mildosat ja duođaštusat galget ohcama čuovvut.
Du čuvgehusaid vuođul sáhttá NAV árvvoštallat deavddát go don eavttuid oažžut rievtti doarjagii ovttaskas mánnáfuolaheaddjin.
Sádde dahje doalvvo ohcama NAV-kantuvrii.
Váldonjuolggadus lea ahte don ja mánná galgabeahtti leat Norggas. Dieđit álohii NAV-kantuvrii jus don farret, dahje áiggut gaskaboddosaččat leat olgoriikkas. Geahča eavttuid mat gustojit iešguđege doarjagii.
Dáppe leat deháleamos dieđut vuoigatvuođaid ja geatnegasvuođaid birra. Eambbo dieđuid gávnnat liŋkkaid bokte. Muhtin dieđut leat beare dárogillii.