Álbmotoaju miellahttovuohta

Oadjovuoigatvuođat leat dálá dahje ovddeš miellahttovuođa hálddus. Muhtin vuoigatvuođaid sáhttá liikká addit ovtta álbmotoaju miellahtu bearašlahttui.

Maid miellahttovuohta gokčá mearrida dan makkár addosiidda dus lea riekti.

Muhtin oadjoaddosat gáibidit ahte leat leamašan vissis áiggi álbmotoaju miellahttun. Juohke addosis logat eambbo dán birra.

Goas leat álbmotoaju miellahttu?

Norggas orut – geatnegahtton álbmotoaju miellahttu

Leat álbmotoaju miellahttun jus orut Norggas.

Go (fal) galgá árvvoštallat ahte orut go dáppe, de galggat Norggas orrut unnimusat 12 mánu. Go Norgii fárret danin ahte áiggut dáppe leat unnimusat 12 mánu, de šattat miellahttun dan beaivvi rájes go mátkkoštit riikii.  

Jus it oro Norggas

Vaikko it oro Norggas, de leat álbmotoaju miellahttu jus don leat:

• bargi Norggas
• norgga stáhtaboargár/EEO-stáhtaboargár, ja barggat norgga skiippas, dasa eai gula cateringbargit geat barget Norgga Gaskariikkalaš Skiiparegistara registrerejuvvon turistaskiippain (NIS)  
• norgga stáhtaboargár/EEO-stáhtaboargár, ja barggat norgga stáhta olgoriikka bálvalusas
• norgga stáhtaboargár/EEO-stáhtaboargár, ja studeret olgoriikkas Loatnakássa loanain dahje stipeanddain
• gaskaboddosaččat barggat olgoriikkas bargoaddi ovddas gii lea geatnegahtton máksit bargoaddidivada Norgii

Eaktodáhtolaš álbmotoaju miellahttovuohta go orut Norggas

Jus Norggas galggat leat golmma mánu rájes 12 mánu rádjái, itge bargga dáppe ja dus lea nanu čanastat Norgii, de sáhtát ohcat (šaddat) álbmotoaju miellahttun.

Eaktodáhtolaš álbmotoaju miellahttovuohta go it oro Norggas

Jus galggat orrut olgoriikkas ja leat álbmotoaju miellahttu, de sáhtát massit álbmotoaju miellahttovuođa go orut olgoriikkas. Dalle sáhtát ohcat eaktodáhtolaš álbmotoaju miellahttovuođa.

Oadjošiehtadus

Norggas leat oadjošiehtadusat ollu riikkaiguin. Deháleamos šiehtadus lea EEO-riikkaiguin. Jus dus lea oadjošiehtadus, de sáhttá dát šiehtadus mearridit makkár riikkas don galggat leat oadjomiellahttu. Dalle sáhttá leat boastut dat mii badjelis namuhuvvo. Berret iskat lea go dus oadjošiehtadus fámus.

Oadjodivat

Galggat máksit oadjodivada go leat álbmotoaju miellahttu.

Dat mii mearrida man olu oadjodivada galggat máksit lea

• don leat geatnegahtton máksit vearu Norgii ja oadjodivat máksojuvvo oktanis vearuin
• bargoaddi lea geatnegahtton máksit bargoaddidivada

Goas miellahttovuohta heaittihuvvo?

Álbmotoaju miellahttovuohta sáhttá heaittihuvvot jus barggat dahje orut olgoriikkas.

Váikkuhusat go ii leat álbmotoaju miellahttu

Álbmotoadjolága mielde dus eai leat makkárge vuoigatvuođat go it leat álbmotoaju miellahttu.

Dáppe leat deháleamos dieđut vuoigatvuođaid ja geatnegasvuođaid birra. Eambbo dieđuid gávnnat liŋkkaid bokte. Muhtin dieđut leat beare dárogillii.