Dáin siidduin gávnnat ollislaš bajilgova NAV dieđuin mat leat sámegillii. Siiddut leat ráhkaduvvome, ja eanet sisdoallu boahtá sadjái dađistaga.
Bargo- ja čálgohálddahus (NAV) ásahuvvui suoidnemánu 1.b. 2006:s. Suohkanat ja stáhta ovttasbarget stuorámus čálgoođastusain ođđaset áiggis.
2006 čavčča rahpasedje vuosttaš geahččalankantuvrrat. 2008 loahpas ledje ásahuvvon 293 NAV-kantuvrra. 2009:s galget ásahuvvot 153 ođđa, maŋemus 11 kantuvrra ásahuvvojit 1. kvartálas 2010:s. Go buohkat leat sajis, de mis leat 457 NAV – kantuvrra. Dassážii mii boahtit ollu suohkaniin ain leat NAV bargu ja NAV oadju.
NAV – kantuvrrain barget Bargo- ja čálgoetáhta ja suohkana bargit ovttas gávdnat geavaheddjiide buriid čovdosiid. Suohkan ja NAV fylkkas leat dahkan ovttasbargošiehtadusa mii válddahallá makkár suohkanlaš bálvalusaid kantuvra galgá fállat.
NAV – kantuvrra bálvalusaid sisdoallu rievddada suohkanis suohkanii. Unnimusgáibádus lea:
Bargo- ja čálgoetáhtta lea Bargo- ja čálgohálddašeami stáhtalaš oassi, ja das leat sullii 14 000 bargi. Bargo- ja čálgohálddašeapmái gullet dasalassin suohkanbargit geat barget NAV-kantuvrrain.
NAV hálddaša goalmmádas oasi stáhtabušeahtas nugo bargguhisvuođaoaju, bargui máhcaheami, penšuvnna, mánáidoaju ja reaidoruđa ortnegiid bokte, ja geavaheaddjin lea buot álbmot.
Lassin NAV –kantuvrraide doaimmahit badjel čuođi spesiálaovttadaga bargguid mat.