Bátnedikšun/Tandvård
Kontaktperson
,
Telefon:
E-post:
Bátnedikšumis lea friddja dikšunválljen sihke mánáin ahte rávesolbmuin. Don sáhtát mannat eanadikki vuoláš álbmotbátnedivššus dahje priváhta bátnedikšunvuostáváldimis.
Seamma vejolašvuođat beroškeahttá bátnedoaktáris
Leanadiggi fállá bátnedikšuma álbmotbátnedikšumis mas lea almmolašbátnedikšun, spesialistabátnedikšun ja buohcciviessobátnedikšun. Dus lea seamma vejolašvuohta spesialistabátnedikšumii válljetba don oažžut du almmolašbátnedivššu álbmotbátnedivššus dahje priváhta bátnedoaktáris.
Gávnna bátneklinihka
Liŋkamenys olgeš bealde dán siiddus gávnnat Norrbottena bátneklinihkaid. Fuomáš ahte bálvalus lea ruoŧagillii.
Maid dat máksá?
Mánáide ja nuoraide bátnedikšun lea nuvttá
Measta buot bátnedikšun lea nuvttá mánaide ja nuoraide dan jagi rádjái go sii devdet 19 jagi. Dat lea seamma sihke álbmotbátnedivššus ja priváhta bátnedoaktáris gii váldá vuostá mánáid.
Buohccimávssut rávesolbmuidbátnedikšumis
Mávssut leat sierraláganat sierra divššuaddiin. Jeara du klinihka bátnedikšunveagas maid jur du dikšun boahtá máksit.
Gieldin
Riŋge vuostáváldimii gos leat várren áiggi ja gieldde áiggi áiggil jus it sáhte boahtit. Muđuin fertet goittotge máksit galledanmávssu.
Fáhkka bátnedikšun
Beaivet árgabeivviid
Riŋge du bátneklinihkkii.
Eahkes ja basiid áigge
Unnit fáhkka dilis dego gahččan duokŋas ja muttolaš várkkas:
Riŋge vuosttažin 1177 dahje váldde oktavuođa du bátneklinihkain čuovvovaš árgabeaivve.
Váttis fáhkka dilis, ovdamearkka dihte dáhpedorpmis ja infekšuvnnain mat váikkuhit almmolašdillái:
Riŋge 112.
Ekonomalaš doarjja
Stáhtalaš bátnedikšundáhkádus
Rávesolmmožin dus lea njulgodat jahkásaš 300 dahje 600 ruvdnosaš bátnedikšundoarjagii. Dáhkáduskássa máksá dan automáhtalaččat du dikšuaddái. Lea maid leahkime allagoasttádusdoarjja mii dárkkuha ahte don oaččut eanet ekonomalaš doarjaga bátnedivššus mii šaddá divrasit go 3000 ruvnna rehkenaston jahkái.
Jus dus ii leat várri bátnedikšumii
Jus it sahte máksit bátnedikšuma sáhtát oažžut veahki loanaohcamis dahje goluid juohkimis. Muhto buot bátnedikšunvuostáváldimat eai fála oassemáksoplána dahje bátnedikšunloana. Muhtumin sosialadoarjja soaitá leat čoavddus. Dalle jorgasat sosialabálvalusa beallái dan gielddas gos orut.