Bargualmmuhus
Ođasdoaimmaheaddji SVT Sápmái, sadjásaš virgi
Háliidat go barggu mas Sápmi lea guovddážis? Ja gos sámástat beaivválaččat? Dát lea dutnje bargu!
SVT Sámis leat 15 bargi. Mii doaimmahit ođđasiid miehtá sámi ja maiddai eamiálbmotođđasiid miehtá máilmmi. Mii buvttadit ođđasiid beaivválaččat, sihke nehttii ja tv-sáddagiida. Mii ovttasbargat NRK- ja Yle Sámiin ja mis lea maiddai lagas ovttasbargu Ruoŧa rádio Sámerádion.
Mii ohcat ođasdoaimmaheaddji geas lea govven- ja čuohppangelbbolašvuohta. Galggat govaiguin sáhttit muitalit oanehis ja guhkes muitalusaid. Galggat sáhttit ieš bargat ja hálidiit ovddidit sámi doaimmahusa fálaldagaid gehččiide. Lea jahkásaš sadjásaš virgi go ovtta mielbargis galga leat váhnenluopmu. Virgi álgá borgemánu 2020 rájes.
Bargu
Vuostažettiin galggat ođđasiid doaimmahit tv-sáddagii ja neahttasiidui, ja sosialá mediaide. Galggat ieš doaimmahit ođđasiid, álgujurdagis gitta válmmas buktagii. Galggat maid sáhttit bargat doaimmaheaddjin, govvejeaddjin dahje čuohppin dárbbu ja ođasdili mielde. Galggat sihke stuora kameriin bargat ja telefuvnnain bargguid dahkat. Galggat buvttadit nehttii ja mii atnit árvvus digitálalaš gelbbolašvuođa. Sáhtat maiddai šaddat bargat sámi prográmmaiguin ja eará bargguiguin buot min kánálain. Mii atnit árvvus govven- ja čuohppangelbbolašvuođa. Barggus galggat mátkoštit, oanehis ja guhkit reaissut go mii buvttadit ođđasiid miehtá Sámi.
Duogáš
Don hálddašat sámegiela sihke njálmmalaččat ja čálalaččat. Dus lea nanu máhttu sámi servodaga, historjjá ja kultuvrra birra. Dus galgá leat servodatberoštupmi. Lea ovdamunni jus leat bargan ođasdoaimmaheaddjin ovdal, jus leat čállán, govven dahje čuohppan. Galggat buvttadit oanehis ođđasiid ja čiekŋudan áššiid. Don galggat leat iešbirgejeaddji ja leat njuovžil ja máhttit čovdusiid gávdnat.
SVT Sápmi geahččala čađat ovddidit prográmmaid, ja dan barggus šattat oassin. Don bargat skovi mielde ja soaittát šaddat bargat eahkediid ja vahkkuloahpaid.
Dus ferte leat vuoddjinkoarta .
Bargu lea sadjásaš virgi.
SVT Sámi váldokántuvra lea Gironis ja bargobáiki lea Gironis.
Háliidat go diehtit eambbo, ringes Patrik Kansai, SVT Sápmi, 073-773 03 73. Jus dus leat fágasearvvis jearaldagat, de ringes Anna Karin Niia, SJF, 070-567 89 37, ja Maria Fornemo, Unionen 08-784 00 00. Oza ovdal geassemánu 16 beaivvi, 2020. Goas bargu álgá mii soabadit.