Gielladutki Leif Rantala mearkkašahtti sámečoakkáldat Siidii

- Lea gudni laktit Leif Rantala čoakkáldaga čavddis ollisvuohtan oassin Sámi musea Siidda dávvirčoakkáldagaid ja dainna lágiin seailluhit divrras vurkenbarggu, man Rantala lea dáhkan čuovvovaš sohkabuolvvaid oaidnin ja dutkkan láhkai, cealká Sámi musea Siidda hoavda Sari Valkonen.

- Áhčči iešge suomaruoŧŧelaš vehádaga ovddasteaddjin áddii vehádagaid kultuvrraid seailluheami mearkkašumi ja danin čokkii ja vurkii eará bargguid lassin iežas bargolatnjii ja maŋŋeleappos ruktoseaset sámiid ja eará eamiálbmogiid dávviriid fiinna giehtadujiin ja mátkemuittuin álo meahccesabehiid rádjái, muitala Leif Rantala gánda Kim Rantala.

Leif Rantala lei sámegielaid spesialista ja Guoládaga sámegielaid, -kultuvrraid ja historjjá áššedovdi. Rantala lei vuosttaš sámegiela ja –kultuvrra bissovaččat namuhuvvon lektor Lappi universitehtas, gos son divššui barggustis ealáhatagi rádjái. Dutkin son vuojui earenomážit Guoládaga ja Beahcáma historjái, man dihte son mátkkoštii moanaid gerddiid Ruššii materiálačoagginmátkkiide. Rantala barggai maiddái máŋggain čállinprošeavttain čállin, doaimmaheaddjin ja jorgaleaddjin sihke viiddes gielladáidduset bokte dulkan.

Leif Rantala čokkii mátkkiinis viiddes ja sierra áigodagaid ovddasteaddji dávvirčoakkáldaga, mas sullii 300 diŋgga skeŋkejuvvui Sámi musea Siidii. Čoakkáldagas lea stuorra kulturhistorjjálaš árvu, sihke diŋggaid ja dáidda guoski duogášdieđuid bokte ja ieš čoaggi dihte. Vuosttáš dávvirat Rantala čoakkáldagas, leat oaidninláhkái Siiddas 8.10. rájes Fearánat Sibirjjás -čájáhusas, mas leat ovdan Sibirjjá gielaid ja kultuvrraid dutki Kai Donnera čuovgagovat jagiid 1911–1914 dutkanmátkkiin. Rantala čoakkáldat lea viidásabbot ovdan maŋŋeleappos.

Lassedieđut:

Sari Valkonen, museahoavda, Sámemusea Siida, tel. 040 767 1052, sari.valkonen(a)samimuseum.fi

Kim Rantala, kimnrantala(a)gmail.com