Mapuche-eahket Siiddas gaskavahku 14.3.2012

Parasta Lapsille ry lea doaibman Chiles juo 30 jagi ja lea veahkehan suopmelaš risvánhendoaimma bokte dakkár mánáid skuvlavázzima, geaidda dat muđui livččii lean veadjemeahttun. Jagi 2007 rájes leat dorjojuvvon Tirua gieldda mapuchemánát. Doaibma lea dorjojuvvon Olgoministeriija doarjaga vuođul, muhto maiddái ovttaskas olbmot leat leamaš das mielde risvánhendoaimma bokte.

Mapuche-eahket gullá oassin čájáhussii ”Mapuche - Chile ealli ruohttasat” ja  Adolfo Vera čuovgagovvačájáhussii ”Biobio-eanu lulábealde”, mat leat dál ovdan Siiddas.

Mapuchet leat sullii ovtta miljovnna olbmo sturrosaš álgoálbmot Lulli-Chiles ja Argentinas.  Mapuche-namahus čohkiida sániin mapu (eana) ja che (olbmot). Sis lea iežaset  mapudungunagiella, mas ii leat girjegiela stáhtus. Mapuchet háliidit šaddat dovddastuvvot álbmogin ja oažžut dakko bokte vuoigatvuođaideaset vuođđoláhkii. Mapuchet oččodit árbevirolaš eana- ja čáhceguovlluideaset ja sii háliidit áittardit daid buorredili nu, ahte atnet árvvus luonddu. Sii háliidit leat mielde ovddideamen iežaset servodaga ja háliidit ahte sin jietna galgá gullojuvvot. Mapuchet gámpádallet dán áigge riikkadási ja máŋggariikalaš fitnodatservviiguin. Rahčamušaideaset dihte sii leat gártan earáiguin garra riidduide ja konflivttaide. Máŋggat mapucheaktivisttat leat dubmehallan guhkes giddagasráŋggáštusaide Pinocheta áigásaš terrorismalága vuođul.

Dilálašvuhtii beassá nuvttá. Mapuche-eahkeda lágida Sámemusea Siida.

Lassedieđut: Kulturdulka Sari Valkonen, 040-767 1052