Riikkaidgaskasaš museabeaivvi gudnin Siidda čájáhusaide lea nuvttá sisabeassan ja musea maid ovdanbuktá čoakkáldatdoaimmas

Riikkaidgaskasaš museabeaivi gullá Suoma musealihtu Museavahkkui, man ávvudit jagi 2016 temáin Museat ja kulturduovdagat. Riikkaidgaskasaš museabeaivvi 18.5. ávvudit Siiddas fállamiin nuvttá sisabeassama Siidda čájáhusaide. Oaidnin láhkai leat bissovaš čájáhusaid lassin Tapio Wirkkala STILL/LIFE Retrospective exhibition -čájáhus, mii gudnejahttá Wirkkala eallinbarggu ja oktavuođa Anárii ja Sápmái. Oaidnin láhkai lea dasa lassin Leammi-čájáhus, mii rahpasa 11.5.

Riikkaidgaskasaš museabeaivve lea vejolaš maid oahpásmuvvat Sámemusea čoakkáldatdoibmii. Ovdanbuktin álgá gaskavahku 18.5. dmu 10 Siidda auditorias ja dohko lea nuvttá sisabeassan. Čoakkáldatdoaimma ovdanbuktima sáhttá čuovvut maid ruovttus, dasgo Sámemusea iskkada vuosttas geardde njuolggoneahttasáddaga Facebook bokte. Neahttasáddaga sáhttá čuovvut Siidda Facebook-siiddus www.facebook.com/siidainari. Jus áiggot čuovvut Facebook-neahttasáddaga iežas dihtoriin dahje mobiilarusttegiin, de it dárbbaš čálihit sisa Facebookii, muhto dárbbašat dušše interneahtta-oktavuođa.

Čoakkáldatovdanbuktimis beassá gullat Sámemusea čoakkáldagaid sisdoalus ja čoakkáldatbarggu áigeguovdilis temáin. Spesiálamusean Sámemusea Siida vástida Suoma sápmelaččaid ávnnaslaš ja immateriála kulturárbbi vurkemis. Sámemusea čoakkáldatbargu lea máŋggabealát, viiddis ja servodat leat guovddážis. Čoakkáldagat leat museabarggu vuođđu.

Eurohpá álbmotmeahccebeaivvi fas ávvudit moadde beaivvi Riikkaidgaskasaš museabeaivvi maŋŋá. Sotnabeaivve 22.5. Siiddas sáhttá nuvttá fitnat geahččamin Aurora Aanar -guovssahanmultivišuvnna -čádjosiid ja Suoma álbmotmehciin govvejuvvon The magic on Northern nature -čádjosiid. Dárkilut prográmma Eurohpá álbmotmeahccebeaivvis lea oaidnin láhkai Siidda dáhpáhuskaleandaris.

Lassedieđut: Sámemusea Siida, siida@samimuseum.fi, tel. 0400 898 212