Siida Shopis máŋggabealat dávvirfálaldat

Siida Shop lea musea- ja luondogávpi, mas gávdnojit dárkilit válljejuvvon buktagat vuovdima várás. Siida Shop -museagávppis fidne sámi girjjálašvuođa ja sámekultuvrras muitaleaddji girjjálašvuođa, sámedujid ja sámemusihka. Siida Shop -luondogávppi buktagiin lea fáddán luondu: gávdnojit luondogirjjit ja maiddái guovllu vánddardančuozáhagaid logobuktagat, báikkálaš borramušgálvvut ja vánddardeaddjái dehálaš kárttat.

Siida Shopii leat geahččalan čohkket áidnalunddot buktagiid. Muhtun buktagat leat ráhkaduvvon dušše Siida Shopis vuovdinláhkai, ja  daidge buvttaovddideamis lea giddejuvvon erenoamáš fuopmášupmi buktaga alladássásašvuhtii ja doaibmivuhti nu, ahte lea seammás váldojuvvon vuhtii sámekultuvra ja davviluondu. Ovdamearkka dihte Essi Ranttila plánen Tiuhta-tuotteet (njuikunduojit) leat vuovdimassii dušše Siida Shopis. Dáid buktagiid hervemis lea adnojuvvon vuođđun árbevirolaš vuoddagiid hervenvuohki. Dáidda válljejuvvon gálvvuide gullet árbevirolaš govvosiiguin hervejuvvon  t-báidi, almmenáhkki ja muituinmerkengihpa. Essi Ranttila lea nuorra bivttashábmejeaddji, guhte lea bargan maiddái Siidda áššehasbálvalusas.

Luondduguovddáš lea váldán Siida Shopii vuovdinláhkai maiddái giehtaduodjin ráhkaduvvon áidnalunddot buvkkuid. Min buvddas gávdnojit dovddus suopmelaš buvkoráhkadeaddjiid, dego Marttiini ja Iisakki Järvenpää buvkkut, muhto maiddái báikkálaš smávvafitnodatolbmuid giehtaduodjin ráhkaduvvon buvkkut. Ovdamearkka dihte avvillaš Antti Gröndahla árbevirolaš Riekko-buvkkut leat vuovdimassii Siida Shopis. Buvkobádji Riekkopuukot atná niibemateriálan vissirsoagi ja soahkebeassi. Buvkkut, mat leat Siiddas vuovdimassii, leat buot oaivvilduvvon beaivválaš atnui muhto leat seammás hui čáppa atnubiergasat.

Báikkálaš duojáriid dujiid lassin Siida Shopis gávdnojit ovdamearkka dihte silbarávdi Tytti Bräysy čiŋat. Son lea plánen Naŋŋanjárggas (Naŋŋânjargâ) 2003:s gávdnon silbačiegá vuođul čikŋakombinašuvnna, masa gullet beallječiŋat ja čeabetrisku. Dasa lassin Siida Shopis gávdnojit Tytti plánen čiŋat, maid fáddán leat adnojuvvon dat šattut ja eallit, mat gávdnojit davviguovlluid luonddus.

Mátkemuitobuktagiid ja girjjálašvuođa lassin Siida Shopis gávdnojit čáppa ja individuála silbačiŋat sierra duojáriin.

Siida Shop sámemusea ja luondduguovddáš Siiddas lea báiki, gos áinnas gánnáha guovlladit. Buvdda fálaldagaide bohtet jahkásaččat ođđa buktagat, ja nuba Siidda facebook-siidduid gánnáha čuovvut. Fuolalaččat válljejuvvon buktagiid joavkkus gávdnojit sihkkarit dullejaččat ja hávskis mátkemuittut muitun Siidda galledeamis. Siida Shop dievasmahttá erenoamáš bures čájáhusgalledeami vásáhusaid.