Siidda álgojahki

Davviriikkaid stuorámus čuovgagovvengilvvu ”Jagi luondogovat” bálkkašuvvon duojit bohtet Siidii guovvamánu 4. beaivve. Daid joavkkus lea earret eará vuoitigovva ”Rieban”.  Jagi luondogovat 2011 –čájáhus lea ovdan Siiddas guovvamánu 26. beaivvi rádjai.

Guovvamánu 10. beaivve fas rahppojuvvo fiinna dáiddačájáhus  Davvimáilmmi ivnnit, áiggi čuovggat – Séverine Cuénod´a  málagovat. Šveicalaš Séverine Cuénod lea maŋimuš čieža jagi ohcan inspirašuvnna Lappis, erenoamážit Anára ja Čeavetjávrri guovllu duovdagiin fállan dihte midjiide earálágan vuogi oaidnit dihto áššiid. Su dávvaliin boahtá ovdan erenoamáš persovnnalaš višuvdna dán magihkalaš luonddus. Cuénod´a duojit leat oaidninláhkai Siiddas 27.5. rádjai.

Mapuchet ovdan Siiddas

Sámemusea ovdanbuktá giđđadálvve Chile stuorámus álgoálbmoga, mapuche-indiánaid kultuvrra. Chile ealli ruohttasat -čájáhusas leat ovdan ee. arkeologalaš geađge- ja keramihkkadávvirat, dáiddolaš silbačiŋat ja gođđinduojit. Čájáhusa lea buvttadan Chile ovdakolumbiánalaš dáidaga musea (Musea Chileno de Arte Precolombino). Mapuche – Chile ealli ruohttasat -čájáhus lea ovdan Siiddas 18.2.-1.5.

Mapuche-temá joatkašuvvá čájáhusain Biobio lulábealde – Adolfo Vera čuovgagovat Chile mapuche-indiánaid eallimis, mii rahppojuvvo njukčamánu 3. beaivve. Chilelašsogat čuovgagovvejeaddji Adolfo Vera ássá ja bargá Suomas, ja su čuovgagovat muitalit mapuche-indiánaid dálá eallimis Chile lulliosiin. Su čuovgagovaide beassá oahpásmuvvat 20.5. rádjai.

Giđđadálvvi dáhpáhusat

Álgoálbmogiid filbmafestivála, Skábmagovat, lágiduvvo Anáris 25. – 29.1. Sámefilmmaid lassin sáhttá dán háve oaidnit Taiwana álgoálbmoga filmmaid. Filmmat čájehuvvojit sihke Siiddas ja ođđa Sámekulturguovddáš Sajosis. Lassedieđut gávdnojit čujuhusas www.skabmagovat.fi

Sámiid álbmotbeaivi dollojuvvo vuossárgga 6.2. Siida lea duon vuossárgga rabas ja dálus lea rabas uvssaid beaivi.

28.2. Sámemusea Siida lágida Vuohčus, Vuohču skuvllas, Boares dávviriid dikšun ja vurkkodeapmi -temábeaivvi. Sámemusea bargit ovdanbuktet čoakkáldatdávviriid vuođul tekstiillaid, muorra- ja silbadávviriid dikšun- ja vurkkodanvugiid.

Guovvamánu 28. beaivve álggahuvvojit maiddái Luondduguovddáža lágidan luondoeahkedat. Luondoeahkediid ráidu álggahuvvo temáin  ”Ealliid ceavzin badjel dálvvi”. Dat maŋit luondoeahkedat dollojuvvojit 13.3. ja 27.3. Lassedieđut dáhpáhusaid birra gávdnojit Siidda neahttasiidduin ja áššehasbálvalusas, www.siida.fi, siida@samimuseum.fi, tel. 0400 898 212.

Sámemusea ja Davvi-Sámi luondduguovddáš Siida oassálastá Mátki 2012 meassuide, mat lágiduvvojit Helssegis. Siida gávdno Anár – Suoločielgi ossodagas, 7k29. Buresboahtin ságastallat minguin!