Siidda ođđa čájáhusa fárus Sibirjái fearánastit

Kai Donner lei suopmelaš gielladutki, etnologa, dutkanmátkkálaš, girječálli ja politihkalaš váikkuheaddji. Fearánat Sibirjjás! -čájáhusa bokte min čájáhusguossit besset oahpásmuvvat su dutkanmátkái Sibirjjá álgoálbmogiid lusa. Čuovgagovat doalvulit geahčči áigemátkái 1910-lohkui guovdu Sibirjjá guorba duovdagiid. Seammás dán čájáhusas lea vejolašvuohta deaividit álbmoálbmogiid lassin maiddái giehmánniid, doaktáriid ja virgeolbmuid, geaid Donner deaivvai ruošša giliin ja gávpogiin. Čájáhusas lea mielde maiddái áidnalunddot govva šamánas.

Donnera dutkanmátkkiin divve 2014:s 100 jagi, ja čájáhus lea gudnečájeheapmi su eallinbargui. Čájáhus lea čohkkejuvvon Donnera čuovgagovvačoakkáldagas, mii lea Musealágádusa duohken. Dán čoakkáldagas leat badjel 500 negatiivva. Čoakkáldat lea oassi Musealágádusa govvačoakkáldagain.

Fearánat Sibirjjás -čuovgagovvačájáhusa lea buvttadan Kultuvrraid musea, ja čájáhusa leaba leamaš searválagaid čohkkemin Musealágádus ja Suomaugralaš Searvi. Sámemusea Siida buktá čájáhussii iežas lasi nu, ahte lea bidjan oaidninláhkai temái guoskevaš dávviriid Leif Rantala čoakkáldagas. Leif Rantala-oamehasa bárdni, Kim Rantala, skeŋkii áhčis čoakkáldaga (sullii 300 dávvira) Siidii 2015:s. Rantala čoakkáldagas leat Suoma ja Ruošša sámeguovlluin čoggojuvvon dávvirat ja dasa lassin vel Ruošša álbmogiidda ja eará álgoálbmogiidda guoskevaš dávvirat.

Rahpandilálašvuođas čájáhusa lea čalmmustahttimin okta dan giehtačálliin, Ildikó Lehtinen.  Rahpanávvudeapmái beassá nuvttá. Buresboahtin!

Fearánat Sibirjjás! – Kai Donnera čuovgagovat 1911 – 1914 -čájáhus lea oaidninláhkai Siiddas 21.2.2016 rádjai.