Siidii oahpámuhttin

Siidda čájáhusoahpisteapmi bistá 1 h 15 min. Oahpisteapmái gullet Siidda vuođđočájáhusat. Lea vejolaš diŋgot suoma-, eaŋgals- ja duiskkagielat oahpisteami. Čájáhusoahpisteapmi máksá 95€ / joavku, haddái eai gula sisabeassanbileahtat. Vuogas joavkosturrodat lea eanemustá 25 olbmo / 1 oahpisteaddji.

Olgomusea temáoahpisteamit

Dálueamit bajidastá bahčingievnni beavddi ala sevdnjeslágan stobu boššui. Soames mielkegoaikkanaš stilččiha garra barggus gollan giehtarapmasii. Son njoalosta goaikkanasaid ja imaštallá, man njárbat gusamielki lea sutnje oahppáset bohccomielkki ektui. Anihivččiigoson gusamielki vustemii? Nisu váldá skálu ja beassis dahkkojuvvon silli ja sillegoahtá mielkki. Dasto son bajidastá skálu dola ala ja vuordigoahtá mielkki liegganeami…

Olgomusea temáoahpisteamis ámmátmáhtolaš oahpisteaddji oahpásmuhttá gallestalliid dasa, makkár lei eallin Tirro dálus ja Anáris 1850-logus. Tirro dálus Anáris dolle duoid áiggiid sihke bohccuid ja šibihiid. Ealáhussan ledje guolástus, meahccebivdu, luonddubuktagiid čoaggin ja smávvaeanadoallu. Oahpisteaddji doalvula gussiidis áiggis 150 jagi duohkái dan áigodahkii, go Anáris lei dušše soames visttáš ja eallin ovdánii gávcci jagiáiggi jahkodatjođu mielde.

Olgomusea temáoahpisteapmi bistá 1h 15 min. Sáhttá diŋgot juogo suoma- dahje duiskkagielat oahpisteami. Temáoahpisteapmi máksá 18 €/olmmoš (minimahaddi 180 €). Haddái gullá sisabeassanbileahtta, olgomuseaoahpisteapmi, prográmmanummir (mas ávnnastuvvo oahpisteaddji geahču vuolde fierbmegikta). Oahpistanpakeahtta almmá prográmmanummira haga máksá 14 €/olmmoš (minimahaddi 140 €).

Anáravahku olgomuseaoahpisteamit

Anáravahkuid áigge maiddái ovttaskas olbmuin lea vejolašvuohta oassálastit olgomusea temáoahpisteapmái. Siidda sisabeassanbileahtain beassá duorastagaid 19.7. ja 26.7.2012 dbm 14.00 álgi oahpisteapmái.

Oahpistemiid birra sáhttá gulaskuddat Siidda áššehasbálvalusas: tel. 0400 898 212, siida(at)samimuseum.fi