Sámegielat ealligovvaeahket Siiddas

Meahciráđđehus ordnii ovttasbarggus Yle Sámiin, sámedikkiin ja Sámemusea Siiddain geassit jo goalmmát sámegielat ealligovvaleairra. Dán jagi temán lei jávreguollebivdu ja nuortalaškultuvrra. Oktiibuot 10 máná Vuohčus, Anáris ja Ohcejogas čoahkkanedje Čeavetjávrái dahkat oanehisfilmmaid ja oahppat ávkkálaš luonddudáidduid. Leaira lea oassi Meahciráđđehusa luonddubajásgeassimis ja sámeguovllus leat háliidan eandalii váldit vuhtii sámegielat mánáid.

- Medialeairras mihttomearrin lea maiddái ordnet sámegielat mánáide lunddolaš giellageavahandiliid ja seammás dat lea ávkkálaš Meahciráđđehusa iežas sámegielat bargovehkiige. Leairrat ordnejuvvojit eará guovlluin sámis ja čuovvovaš leairra plánet Eanodaga guvlui ja árabut leairraide erohussan dat ordnejuvvo giđđadálvve, muitala sámegielat dieđiheaddji Pentti Pieski.

Medialeairras dahkkojuvvon buvttadeamit, nu rádioprográmmat ja oanehisfilmmatge leat jo leamašan gullamis ja oaidnimis Yle Sámi mánáide oaivvilduvvon prográmmain ja oanehisfilmmat čájehuvvojedje maiddái Turku girjemeassuin golggotmánu álggus. Árbevierrun šaddan vuogi mielde ealligovaid leat geahččan Davvi-Sámi luondduguovddáš Siidda ordnen luonddugovvadáhpáhusa Camera Borealisa oktavuođas. Dán jagi nuvttá ealligovvaeahket ordnejuvvo sotnabeaivve veaigin ja dat lea buohkaide rabas dilálašvuohta, mii heive oppa bearrašii.

Ovdal ealligovvadáhpáhusa Camera Borealis prográmmas lea maiddái eará mánáide ja nuoraide čujuhuvvon prográmma, go sotnabeaivve juhket maiddái Luondduguovddáš Siidda ja Davvi-Lappi kámerasearvvi ovttas ordnen govvagilvvu bálkkašumiid. #nuoriluonto-Instagram -govvagilvui oassálaste badjel 30 gova, main golbma buoremusa bálkkašuvvojit dilálašvuođas, mii álgá diibmu 15.30.

Ealligovvaeahkedis leat mielde maiddái ieža ealligovaid násttit, geat leairra áigge plánejedje, giehtačálle ja nekte filmmain. Jagi 2015 leairra filmmain leat mielde buot golbma Suomas hállojuvvon sámegiela. Ealligovvaeahket álgá Siidda auditorias sotnabeaivve 22.11. diibmu 16.30

Lassidieđut: Sámegielat dieđiheaddji Pentti Pieski, Meahciráđđehus, 040 7696 109, pentti.pieski(at)metsa.fi