Sámeguovllu árvvolaš duovddaguovlluid áigeguovdilinventeren

Sámeguovllus duovddaguovllut leat gártejuvvon ovdalis 1990-logus. Dalle váldegottálaččat árvvolaš duovddaguovlun leat válljejuvvon Bállasduottarat, Bealdovuopmi, Bievrrašjávri, Sáná ja Deanu ja Ohcejoga leagit. Eanagottálaččat dehaláš duovddaguovlun leat válljejuvvon Eanodagas Sálvvošjávrri boares geassegilli, Ávžžásjávrri geassegilli, Roabijávrri gilli ja Gálggojávrri boares geassegilli. Anáris eanagottálaččat dehalažžan lea namuhuvvon Njellima gilli ja Njellimjávrri koltáorrun. Lassin Pielpajávrri meahccegirku birrasat leat váldojuvvon mielde eanagottálaččat dehalaš duovddaoaidnámuššan. Oppa Suomas leat oktiibuot 156 duovddaguovllu, mat leat stáhtaráđi jagi 1995 dahkan prinsihppamearrádusa mielde váldegottálaččat árvvolaččat.

Sámeguovllu dálá guovloválljašupmi lea váilevaš ja báikkálaš áššedovdamuša dárbbašat ođđa guovlluid dovdamii. Lappi EBI-guovddáš diđoštallá njukčamánu áigge evttohusaid dehalaš čuozáhagain sámedikkis, sámeguovllu giliservviin ja sámeservviin sihke bálgosiin ja guovllu gielddain. Čuozáhagaid duovddaárvvut sáhttet vuođđuduvvat kultuvrii,ealáhusaide dahje luondduviđáduovdagii.

Čuozáhagaid luohkkáijuohku váldegottálaččat ja eanagottálaččat árvvolaš duovddaguovlluide ja –oaidnámušaide dahkkojuvvo Sámeguovllu duovddaguovlluid árvvoštallanjoavkkus (SAMA). Go gártemat leat dahkkojuvvon oppa Suomas, stáhtaráđđi dahká mearrádusa váldegottálaččat árvvolaš duovddaguovlluin, mat buhttejit ovdalis váldegottálaš guovlluidgeavahanulbmiliidda (VAT) gullan guovlluid.

Álbmotdilálašvuođat áššis dollojuvvojit Vuohčču skuvllas 24.3 dmu 18, Anára Siiddas 25.3 dmu 16, Ohcejoga gielddadálus 26.3 dmu 18 ja Heahttá luondduguovddážis 27.3 dmu 18. Dilálašvuođain lea vejolašvuohta ovdanbuktit dehalažžan oidnojuvvon  duovddaguovlluid ja –oidnámušaid árvvoštallamii mielde.

Barggus vástida Lappi EBI-guovddáš. Bargguid ollašuhttá Sámemusea Siidda kulturbirasossodat, gosa doaimmahuvvojit evttohusaid inventeremat čuozáhagain 26.5.2014 rádjai, vai daid sáhttit váldit vuhtii eanainventeremiin.

Sámemusea Siida

Dutki Päivi Magga t. 040 180 1501

paivi.magga@samimuseum.fi

Arkeologa Eija Ojanlatva t. 040 167 6145

eija.ojanlatva@samimuseum.fi