Sámemusea Siida oaččui doarjaga retromuseafidnui

Olgomusea gohčodedje goas nu Anára sámemusean ja das lea guhkes museálalaš duogáš, mii ii leat dássážii báljo dutkojuvvon dahje leahkastuvvon almmolaččat oaidninláhkai. Olgomusea birra gávdnojit arkiivamateriálat, filmmat, jearahallamat ja čuovgagovat, mat eai leat ovdal almmustuhttojuvvon. Dasa lassin leat duháhiid museagussiid muittašeamit ja vásáhusat. Dán fitnu bokte geahččalit čalmmustahttit musea ovddit bargiid ja museagussiid maŋimus 50 jagi áigodagas sihke movttiidahttit báikkálašservodaga ja dálá ja boahttevaš čájáhusgussiid oassálastit min arkiivamateriála bokte oktasaš muittašan- ja vásihanprosessii. Fidnu fállá birastahtti servodahkii ja museagussiide aktiivvalaš rolla sisdoaluid buvttadeamis. Fidnui oassálastit barget maiddái veahkkálagaid arkiivvaiguin láhčin dihte musea historjái guoskevaš materiálaid várás ođđa gulahallankanála.

Olgomusea dál! -fitnus ollašuhttojuvvojit gulahallamii ja multimediai guoskevaš neahttasiiddut, main gávdnojit dieđut olgomusea historjjás. Fitnu vuođđosisdoallu almmustuvvá sáme-, suoma- ja eaŋgalsgillii. Neahtas fidnejuvvon diehtomateriála liŋkejuvvo QR-kodaiguin olgomusea čuozáhagaide báikki alde. Dárbbu mielde neahttasiiddut doibmet maiddái iehčanas diehtogáldun.

Anára sámemusea rahppojuvvui almmolaš atnui 1963:s. Musea rahpamis divvet 50 jagi geassemánus 2013. Sámemusea ávvuda mearkajagi ee. museahistorjái guoskevaš seminárain, spesiálaoahpistemiiguin ja filmmaiguin, mat leat govvejuvvon olgomuseabirrasis. Olgomusea dál! -fitnu ollašuhttigohtet juo dál ja fidnu gergejuvvo geasseáigodahkii 2014.

"Musealágádus jugii guorahallanvuloš stáhtadoarjagiid museaid innovatiivafitnuide oktiibuot 647 000 euro. Dát ruđat juolluduvvojedje 38 museai dahje museaoktiisearvamii. Doarjagiiguin geahččalit nannet museaid servodatlaš váikkuhanvejolašvuođaid. Nuba dorjojuvvojit innovatiivvalaš doaibmahámit sihke musea ja doaibmabirrasa gaskasaš gullahallan ja fierpmáiduvvan ja ovddiduvvojit vuosttažettiin servodaga dáfus mávssoleamos deattuhansuorggit.

2013:s ruhtadoarjagat juolluduvvojedje erenoamážit dakkár fitnuide, mat ovddidit kultuvrralaš máŋggaláganvuođa, máŋggaárvosašvuođa ja buorredili ja maiguin sáhttá hehttet servodagas gáidama. Dáiguin ruđaiguin dorjojuvvojit maiddái kreatiivvalaš buvttadeamit ja buktagahttimat, áššehasvuđđosaš bálvalusaid plánen sihke nannejuvvojit mánáid ja nuoraid kultuvrralaš lohkanmáhttu ja kultuvrii miehtemielalaš árvovuođđu."

Lassedieđut:
Intendeanta Arja Jomppanen, tel. +358 (0)40 579 3313, arja.jomppanen(at)samimuseum.fi