Sámemusea Siida rahpá čoakkáldagaidis Finna-bálvalussii

Sámemusea čoakkáldagaid almmustahttit vuosttas háve Finna-bálvalusa almmolaš diehtovuođus. Finna lea museaid, arkiivvaid ja girjerájuid oktasaš ohcanbálvalus. Riikkaidgaskasaš museabeaivve  Sámemusea čoakkáldagain Finnas almmustahttit badjel 500 dávvira. Sámemusea čoakkáldagain Finnas beassá vuosttamužžan geahčadit Museaguovddáš Vapriikki ja Hämeenlinna gávpotmusea skeŋken sámečoakkáldagaid, gahpir- ja beaskačoakkáldagaid ja Nuortalaččaid árbevierrodálu dávvirčoakkáldaga.  Finna beaivvidit olles áigge, nappo čoakkáldatdávviriid ja boahttevuođas maiddái govvaarkiivva govaid beassá dutkat ain buorebut. Sámemusea Finna almmustahttin lea Siidda auditorias dmu 13.00

Máttut -čuovgagovvačájáhus oahpásmuhttá Suoma sámiid eallimii 1900-logu álggu rájes jahkečuođi beallemuddui. Čájáhusas sámekultuvrraid girjjatvuohta oidno árbevirolaš ealáhusaid, rikkis gákteárbevieru ja Sámi molsašuvvi duovdagiid ja jagiáiggiid bokte. Máttut-čájáhus lea čohkkejuvvon Sámemusea Siidda govvačoakkáldaga govain. Čájáhusa govat leat váldojuvvon birra Sámi, earret eará Anáris, Ohcejogas, Čeavetjávrris ja Eanodagas. Govvejeddjiid duogážat leat hui sierraláganat; oassi govain leat priváhtaolbmuid govvabearpmain, oassi Lappi turisttaid govat ja oassi fas ámmátgovvejeddjiid barggut. Govain leat Sámit sihke árgabeaivvi buđaldusain ja plánejuvvon govvendilálašvuođain. Čájáhusa rahpan ja ovdan buktin lea dmu 10.00. Siidda vuollegearddi molsašuvvi čájáhusaid sáles.

Lassedieđut: amanuensa Anni Guttorm, anni.guttorm@samimuseum.fi, tel. +358 400 891 860