STILL / LIFE – Tapio Wirkkala Retrospective –čájáhus Siiddas 24.3.- 25.9.2016

Čájáhus kuráhtorin ja čájáhusarkiteaktan lea riikkaidgaskasaččat dovddus hábmejeaddji Harri Koskinen.

- Oidnen Tapio Iittala buktagiid vuosttas geardde Karstula ruovdegávppis, go ledje badjedásseahkásaš. Mun imaštallen, ahte gii son dát albmáid lea, Koskinen muitala. - Iežan barggu bokte lean vásihan su karismáhtalaš estetihkkárin, guhte ii vuollánan ja geas lei jáhkkemeahttun olles ipmárdus suorggis. Dat ii lean dušše bargu, muhto eallinvuohki.

Čájáhus lea huksejuvvon Tapio Wirkkala dávviriid ja eallinbarggu birra. Čájáhus juohkása guovtti oassái: LIFE oassi ovdanbuktá Wirkkala barggu ja eallima, bargoproseassaid, mátkkiid ja kreatiiva barggu duogážiid. Fárus leat ovdamearkka dihte  Wirkkalai dehálaš persovnnalaš dávvirat, dego biipu ja buvku, mat sus ledje álot fárus. STILL oassi lokte oidnosii Tapio Wirkkala máŋggabealát dáiddárin, dán oasis čájehuvvo venetsiijalaš ivdnelássadáidagis gitta fánerdáidagii.

Sámis lei stuorra mearkkašupmi Tapio Wirkkalai. Son ásai buot gesiid 50-logu loahpa rájes Anáris dan rádjái go jámii.  Wirkkala lei iežas áigge dovdosamos riikkaidgaskasaš suopmelaš dáiddár ja sus ledje máŋggat prošeavttat barggu vuolde oktanaga. Barggut čuvvo su maid davás, iige Sámis orrun lean sutnje dušše beare luopmu. Sámis šattai sutnje baicce ceavzinvuohki. Son lei beroštuvvan báikkálaš olbmuid eallimis ja sin boahtteáiggis. Sámemuseas lei earenoamáš mearkkašupmi Tapio Wirkkalai, son ráhkadii bártniinis Sami Wirkkalain musea vuosttas tevnnethápmosiid ja málliid jagi 1984.

Čájáhus lea ovdán Sámemusea ja Davvi-Lappi Luondduguovddáš Siiddas Anáris 24.3.-25.9.2016.