Suoma museabargit čoahkkanit Anárii 25.-27.5.2016

Riikkaviidosaš museabeaivvit leat museasuorggis jagi dehálamos skuvlen- ja fierpmádaga huksen dáhpáhus. Dán jagaš dáhpáhussii leat almmuhan measta 200 oassálasti sierra museain ja daid duogášorganisašuvnnain. Dáhpáhusbáikin leat Sajos ja Siida.

Suoma Musealihtu ja Sámemusea Siidda čohkken prográmmas leat seminárat, skuvlejumit, dáhpáhusat ja maŋimuš beaivve leat oahpásmuvvantuvrrat lagaš guovlluide.

Prográmmas leat bures váldán vuhtii báikkálaš oainnu. Sámemusea dutki Päivi Magga dárkkoda sámi duovdagiid ja kulturbirrasa iežas barggus oainnus. Pauliina Feodoroff muitala Gramota-arkiiva ohcanproseassas Unesco Máilbmi muitu -listui. Prográmmas lea maid badjeolmmoš Nils-Heikki Paltto juoigansáhkavuorru, mas son juoigá iežas guovllu báikkiid.

Davvi eanadagaid ja dáidaga gaskavuođa gieđahallet sáhkavuoruineaskka dáiddárat Maaria Wirkkala ja Jorma Puranen.

Oahpistuvvon oahpásnuvvanmátkkit lágiduvvojit Ohcejohkii, Čeavetjávrái ja Tankavaarai. Maiddái Siidda olgomusea lea oktan oahpásnuvvanbáikin. Museabeivviid guossit besset ná čiekŋudit dieđuideaset sámeguovllu kulturbirrasis.

Museabeivviid Museagálas almmustahttet Jagi musea- ja Jagi museapublikašuvdna -bálkkašumiid oažžuid. Jagi musea -bálkkašumit finalisttat leat Aboa Vetus & Ars Nova, Didrichsenin taidemuseo, HAM Helsingin taidemuseo, Postimuseo ja Ålands sjö-fartsmuseum.

Jagi museapublikašuvdna -bálkkašupmi juhkkojuvvo publikašuvdnii, mii juksá earenoamáš bures čuozáhatjoavkku ja lea olgguldashámis dáfus innovatiivvalaš. Loahppagilvui leat válljen njeallje prentejuvvon publikašuvnna ja okta digitála publikašuvdna.

Museabeivviid áigge dollet maiddái Suoma musealihtu 93. jahkečoahkkima. Suoma musealihtu lea jagis 1923 vuođđuduvvon museaid guovddášorganisašuvdna.

Museabeaivvit leat dehálaš riikkaviidosaš dáhpáhus, mas lea stuorra mearkkašupmi Sámemusea Siidii ja Anára gildii. Sámemusea Siiddas vurdet iluin museabeivviid. Dáhpáhusa ordnen lea álggahuvvon juo mannán čavčča. Museabeivviin leat maid váikkuhusat guovllu ekonomiijai, ovdamearkan visot Anára girkosiidda idjadanbáikkit leat dievva.

Sámemusea Siidda bargit sávvet gussiide bures boahtin Anárii.

Lassedieđut: Museahoavda Sari Valkonen, tel. 040-767 1052, sari.valkonen@samimuseum.fi