“Njeallje čiega muitaleapmái” “Njeallje čiega muitaleapmái” – nammasaš workshoppain/bargobájiin beasat hástalit iežat ja eará Mo birgejit sámi filmmat dálá máilmmis? Bohtetgo tv:as dušše fuones prográmmat? Livččego dus olu ideat, maid giige ii ádde? Dál ádde! “Njeallje čiega muitaleapmái” – nammasaš workshoppain/bargobájiin beasat hástalit iežat ja earáid: Mo mun muitalan, maid munnje muitaluvvo, maid mun de sáhttášin muitalit? Maid oainnán, mii mu geasuha, man birra hálidivččen muitalit eanet? Workshoppain/bargobájiin leat čeahpes oahpaheaddjit, geain lea olu vásáhus oahpaheames ja maiddái gurssain leat geavahusas buorre ja ođđaseamos gálvvut; kamerat, dihtorat ja nu ain. Justa DON, sámegielat 12-18 jahkasaš nuorra, dál DUS ja du skihpáriin lea vejolašvuohta ráhkadit iežas filmma! YES!!!
Boađe fárrui plánet, čállit mánusa, neaktit, bagadallat, govvet ja čuohppat 12 minuhtta guhkes fictionfilmma ja oassálastte seammás viđa bargobádjái, mat lágiduvvojit giđa 2010 áigge Deanuleagis. Bargobájit leat oassin Ohcejoga Sámi Siida –searvvi Nuoraid Dáidda- ja kultuvrra prošeavtta (Myrsky-hanke) ja daid lea plánen sápmelaš filbmadahkki Pauliina Feodoroff.
Vuosttas bargobájis álggahit filmma ráhkadeapmi ja oahpasnuvvat ja media ja ođđasiid máilbmái. Jođiheaddjin Maria Saijets ja Torkel Rasmussen.
Nubbi bargobájis gurssa oasseválddiid ofelasttá neavttár Sara Margarethe Oskal.
Goalmmát bargobájis čállit mánusa/giehtačállosa, njealjját bargobájis govvet ja máŋimuš bargobájis čuohppat filmma.
Oahpahusgiellan davvisámegiella ja veahkkegiellan eaŋgalasgiella.
Oahpahus, orrun, boradeamit, ijastallan leat nuvttá!!! Ahkerádji 12-18 jagi!
Buresboahtin!
Bargobájiid áigetávvalat ihtet searvvi ruktosiidduide maŋŋelis.
|
