Sosiála- ja dearvvašvuođa ovttasbargofitnui ruhta Fidnu ulbmilin lea buoridit erenomážit sámegielat ja kultursensitiivvalaš bálvalusaid. Dát dahkko Suoma ja Norgga rájáid rasttildeaddji oktasašbarggu vehkiin. Olgoministeria lea váldán fidnu čuovvuma vuollái Suoma njealját mearreáiggeraporttas, mii laktása Eurohpa ráđi guovlluid ja unnitlogugielaid guoski vuođđogirjji ollašuhttimii.
Fidnu ulbmilat ja doaimmat vuođđuduvvet vásáhusaide, maid leat ožžon oktasašbarggus dán rádjai sihke Grenseløst i Nord -prošeavttas ja Ohcejoga gieldda ja Norgga lagašguovlluid sosiála- ja dearvvasvuođabálvalusaid koordinašuvdnafidnus.
Válmmaštalli, sosiála- ja dearvvasvuođahoavda Päivi Salminen mielde fidnu ulbmilat leat. dorvvastit sámiid vejolašvuohta iežasgielat sosiála- ja dearvvasvuođabálvalusaide. Fidnu dorvvasta Ohcejoga gieldda sámeássiide ja heivvolaš osiin buot
sámiide vejolašvuođa geavahit Norgga bealde sámiide oaivvilduvvon bálvalusaid, maid Suomas eai sáhte ordnet. Lassin dorvvastit oppa álbmogii oaivvilduvvon sosiála- ja dearvvasvuođabálvalusaid oažžun rádjáguovllus.Guovllu vátna olmmošmeari ja eatnandieđalaš sajádaga geažil buot bálvalusat, maiddái suomagielat, leat hui rašit. Rádjeoktasašbarggus dorvvastuvvo oppa álbmoga sosiála- ja dearvvasvuođabálvalusaid oažžun eandalit akuhta diliin dahje go gielddas eai leat fállun bálvalusat. Fidnun maid dorjojuvvo kultursensitiivvalaš máhttu sosiála- ja dearvvasvuođabálvalusain. Fidnus adnojuvvo ávkin Norggas dahkkon sosiála- ja dearvvasvuođasuorggi iskkadallan-, ovddidan- ja dutkandoaibma ja ovddiduvvo kultuvrralaš perspektiivva lassáneapmi ovttas Davvi-Suoma sosiálasuorggi máhttinguovddáža Sámiid sosiála- ja dearvvasvuođabálvalusaid ovddidanfidnuin. Oktasašbargu dorvvasta ja nanne sámegielat ja sámekultuvrra doarju bálvalusaid ja ámmátgeavadiid ovddideami.
Guovddáš ovddidanviidodagat:
1. Spesiálabuohccedivššu soahpamuša doaibmilvuohta
2. Vuođđodearvvasvuođafuolahusa oktasašbargu gielddaid gaskkas
3. Vuosttasdivššu meannudanvugiid čielggasmahttin
4. Mánáid ja bearrašiid bálvalusat
5. Boarrásiid bálvalusat
6. Lápmásiid bálvalusat
7. Diđolaš doaibmakultuvrrat
8. Giella- ja jorgalanváttisvuođaid čoavdin
Oktiibuot ruhtadeapmi áigodahkii 1.8.2010 -31.10.2012 lea 242 000 € mas gieldda iežas oassi 60 000 €.
|
Vástit dán cealkámuššii