Almmuheapmi guoská buot girjjiide mat leat daid girjerádjosiin, de dan dihtii soitet doppe leat girjjit maid sámi goastádusat leat almmuhan, dahje čállosat maidda sámi vuoigŋaduodjeoamasteaddjiin leat vuoigatvuođat. Dan sivas lea dehálaš almmuhit gáibádusa Google-šiehtadusa bokte ovdal čakčamánu 4. beaivvi dán jagi. Šiehtadus (dovddus Google settlement-namain) guoská girjjiide almmuhuvvan ovdal čákčamánu 4. beaivvi 2009.

Google digitaliserešgođii girjjiid almmá soabatkeahttá vuoigatvuođaoamasteaddjiiguin, geat dasto 2005:s dikkáskeadje interneahttaservviin. Diimmá čavčča dagai Google šiehtadusa vuoigatvuođaoamasteaddjiiguin oktiibuot 125 mill dollara ovddas, mii máksojuvvo buhtadussan geavahusa ovddas vissis mihtuid mielde ja gáibádusaid ektui maid oaidná dokumeanttas mii čuvvu dán epoastta mielddusin. Juohke vuoigatvuođaoamasteaddjioamasteaddji ferte ieš ovddidit gáibádusa. Jus hálidat ávkki atnit šiehtadusas fertet deavdit ”Claims”-skovi, man gávnnat dán neahttasiiddus:

www.googlebooksettlement.com

Lasi dieđuid (eŋgelasgillii) sáhttá oažžut jus riŋge dán nuvttá nummirii:

00 800 8000 3300. Dan sáhttá dahkat sihke Norggas, Ruoŧas ja Suomas. Sáhttá maiddá čállit dán čujuhussii: Google Book Search Settlement Administrator, c/o Rust Consulting, P.O. Box 9364, Minneapolis, MN 55440-9364, USA.