Sámi fágagirjjálaš čálliid- ja jorgaleaddjiidsearvi
Saemien faagalidteratuvran tjaelijijih jarkoestæjjajsiebre
Sáme fágagirjásj tjállij- ja jårggåliddijijsiebre
Saemien faagalidteratuvran tjaelijijih jarkoestæjjajsiebre
Sáme fágagirjásj tjállij- ja jårggåliddijijsiebre
Miellahttun?
Kontunummirat Norgga- ja Suoma beali miellahtuide gosa sáhttá máksit miellahttoruđa
| Árvvostallanoassi SFSa jahkečoahkkimis ja 2012 jahkečoahkkima hárrái Buorit miellahtut! Mii leimmet bovden din searvat guovttioasat árvvoštallankursii, mas bivddiimet din sáddet midjiide teavsttaid mat galge kursii mielde. Dan almmuheimmet SFSa neahttasiidduin ja min iežamet áigečállaga Samis bokte. Čállingoddi ii leat ožžon ii ovttage čállosa ii ge jearaldaga kurssa hárrái, de mii dulkot dan dainna lágiin ahte ii leat doarvái beroštupmi miellahtuid gaskkas dákkár kursii mas ieža galget leat hui aktiivvalaččat. Soaitá ge riekta ahte baicce čađaha dien lágan áigumušaid min oahppoásahusaid bokte. Dan dihtii mii unnidit ambišuvnna veaháš, de dan sadjái go fállat guovttioasat kurssa, mii baicce lágidit oasáža SFSa dán jagi jahkečoahkkimis árvvoštallama birra. Seammás bidjat jahkečoahkkináššin ságatallat makkár fáttáid miellahtut hálidivčče seminárafáddán ovddosguvlui. Boahtte jagi hárrái gal lea stivrra beales álkkes ášši, go mii leat evttoheamen jahkečoahkkimii dahkat goalmmát olgoriikkamátkki oahpásmuvvan dihtii Eurohpa eará giellaguovlluid diliide. Mii leat ovdal leamaš Irlánddas ja Skottlánddas oahppamin mo daid guovlluid eiseváldit ovttas EU ruhtademiin leat rahčan čoavdit ja buoridit gálálaš gielladili. 2012, go SFSas lea 20 jagi ávvudeapmi, mii hálidit galledit baskálaččaid Spanias gullat mo sii leat áŋgiruššan gielaset ja kultuvrraset beale. SFSa stivra, jahkečoahkkimiid gohččuma vuođul, lea dalle deavdán sávaldaga geavahit oasi min kopi- ja girjerájusbuhtadusruđas, lágidit miellahttuide vuogas oahppomátkkiid kollektiivastipeanda namas. Stivrra mielas dat mátkkit leamaš hui buorit sihke fágalaččat ja sosialaččat, ja leat eahpitkeahttá addán miellahtuide buori vuođu sihke buohtastahttit ja árvvoštallat sámi diliid davviriikkain eará unnitloguálbmogiid diliin Eurohpas. De báhcá jearaldahkan boahtte stivrii, ja jahkečoahkkimiidda, mearridit ahte galgá go searvi joatkit dáinna árbevieruin, vai baicce juohkigoahtit buhtadusruđaid ovttaskas olbmuide ja prošeavttaide, Jus joatká mátkkiiguin. de dáiddášii boahtte lávki mátkkiid hárrái leat vuolgit galledit min álgoálbmot oappáid ja vieljaid guhkkelis eret go Eurohpas. Muhto dat dáidá leat too much of an enterprise unna sámi ámmátsearvái...? Almmuhan: 11.04.2011 Almmuhan: Webdoaimmaheaddji |