Saemien faagalidteratuvran tjaelijijih jarkoestæjjajsiebre
Sáme fágagirjásj tjállij- ja jårggåliddijijsiebre
Miellahttun?
| Sámi ohcangirji (leksikon) Ohccojuvvui doarjja Gieldda-departementtas danin ahte álggahit proeavtta. Diibmá juolludii Departementa álggaheapmái NOK 100.000. Lágádus ozai dán jahkái doarjaga sihke departementtas (NOK 130.000), ja Sámedikkis Norggas (NOK 165.000,-). Departementa ii juolludan maidige dán jahkái, eai vuoruhan ollu ohcamuaid geail. Sámediggi juolludii čakčat ohccojuvvon doarjaga, ja proeakta nu sáhttá joatkauvvat. Proeavtta čohkken ja čállinbargu lea rehkenastojuvvon bistit goittot golbma jagi. Proeavtta ovdáneapmi lea jahkása ruhtajuolludemiid duohkin. Sisdoallu Ohcangirji dahje leksikon lea alfabehtala sátne- dahje doabagirji čilgehusaiguin sámegillii. Dat galggaii gokčat deaşaleamos diehto-surggiid sámiid birra dolois otnáii. Dieđut dahje fáttát leat juhkko-juvvon artihkkaliid dahje čállosiid mielde mat leat ordnejuvvon alfabehtalaččat namahusaid (titteliid) mielde. Girjjis galget leat fáktadieđut doahpagiid, áiid, fearániid, dáhpáhusaid, olbmuid birra jna. Erenoamá fágačehpiide dákkár ohcangirji dávjá ii leat doarvái. Sii fertejit lassin dorvvastit spesiálaleksikonaide, maid sisdoalut leat erenoamá fáddásuorggit. Giehtačálus attaii goittot oktiibuot sullii 800-900 siiddu, ja dasa lassin ollu govat, sárgosat/tevnnegat ja kárttat. Gárvves girji/leksikon attaii dalle sullii 1000 siidosa. Ohcangirjji váldodoaimmaheaddji lea Aage Solbakk. Doaimmahusgottis leat: 1. historihkkár Aage Solbakk, Čálliidlágádus, Deatnu 2. professorstipendiáhtta Harald Gaski, Tromssa universitehtta 3. gielladutki Inger Marie Gaup Eira, Sámi instituhtta, Guovdageaidnu 4. sosialantropolog Solveig Joks, Sámi allaskuvla, Guovdageaidnu. |