Sámi fágagirjjálaš čálliid- ja jorgaleaddjiidsearvi
Saemien faagalidteratuvran tjaelijijih jarkoestæjjajsiebre
Sáme fágagirjásj tjállij- ja jårggåliddijijsiebre
Saemien faagalidteratuvran tjaelijijih jarkoestæjjajsiebre
Sáme fágagirjásj tjállij- ja jårggåliddijijsiebre
Miellahttun?
Kontunummirat Norgga- ja Suoma beali miellahtuide gosa sáhttá máksit miellahttoruđa
| Sámediggi Muittuhan Sámediggái ahte dii loniidet sámi kulturruđain millijun dáža kruvnnu diibmá. Bivddán din iežadet bušeahttabarggus sihkkarastit ahte dat millijuvdna máhcahuvvo. Dii čilgiidet mediain ahte die lei loatna, muhto danin go mii buohkat diehtit ahte politihkkáriin dábálaččat lea fuones muitu lohpádusaid hárrái, de anán dárbbašlažžan muittuhit didjiide dien loana birra. Dat dasto berre mearkkašit ahte 2004 kulturbušeahtta lea goit 2 millijun kruvnnu stuorát go dán jagaš, mii de váfistivččii ahte erenoamážit girjjálašvuohta – sihke fága ja čáppa – oččošii dan mađe ruđa ahte oassi daid giehtačállosiin mat leat vuordimin ruhtadeami, viimmat sáhtášedje almmuhuvvat. Orru dárbbášmeahttun geardduhit, muhto sihkkarvuođa dihtii dagan dan: Amma diehtibehtet ahte girjjálašvuođas mii čállo ja ilbmá sámegielaide ii leat eará birgenláhki go doarjja. Oastin lea heittot, muhto lea dohkkehuvvon kulturpolitihkalaš prinsihppa ahte mis galget girjjit buvttaduvvat eatnigillii, de muhtun sajis fertejit ruđat boahtit, ja dálá ortnegiid mielde lea váldoruhtadeaddji Sámediggi. Danin dáhtun din muitit iežadet ovddasvástádusa doarjut sámi kultuvrra! Go kultuvra oppa iežas viidodagain han lea masa dii ge, politihkkárat, cujuhehpet go lea sáhka das mii sápmelašvuohta lea ja manin dat ain galggašii ceavzit. Harald Gaski
|