Dat gean givssiduvvo sáhttá dovdat iežas ballan, surolaš ja loavkiduvvon. Olmmoš sáhttá šaddat surolažžan ja veadjit heajuid vaikko dat dáhpáhuvvá beare aktii, vaikko dat ii gohčoduvvoge givssideapmin. Muhto dasa gii givssiduvvo guhkit áigge sáhttá dat váikkuhit iešdovdui ja olmmoš soaitá dovdat iežas akto.
Coolmätare= čáffamihttár
Jättecool= huičáffa
Cool=čáffa
Småcool= unačáffa
Neutral= neutrála
Halvtöntig= beallejorbbas
Töntig= jorbbas
Jättetöntig= Huijorbbas
Mii lea givssideapmi?
Givssideapmi sáhttá leahkit savkkástallamat, geahčastagat, boagusteapmi, nordamat, časkin ja ilgadis sánit. Dat sáhttet leahkit maid ilgadis sms, mailat dehe árvalusat facebookas dehe jus oaguhuvvo neahtas.
Givssideapmi sáhttá maid leahkit ahte soamis olgguštuvvo beare go persovdna ii gárvot dego earát atnet galgá gárvodit, dehe hámi bealis lea sierralágán. Soaitá ahte ovttaskas olmmoš ii oaččo leahkit mielde dehe olbmot gilvet beakkohusaid ovttaskasas. Jus dat oažžu soapmása veadjit heajuid, lea dat givssideapmi.
Givssideapmi lea garra sátni máŋgasii. Dat geat givssidit eai soaitte ipmirdit ahte dat lea givssideapmi. Sii soitet ovdamearkka dihte dadjat ahte dat lea beare riidu. Muhto riiddus riidaleaddjit leaba dego eanet ovttaveardásaččat ja sullii seamma bahágurenat nuppiideaskka vuostá.
Seamma ládje lea maid ilgadis hilbošeamiin. Dat geat givssidit sáhttet muhtumin bidjat siva nuppi nala ja dadjat ahte dat lei beare leaikkasteapmi. Muhto jus nubbi veadjá heajuid das, lea dat givssideapmi.
Muhtumin givssideapmi lea nu duođalaš ahte dat lea láhkarihkkun. Ovdamearkka dihte illásteapmi, jus časká soapmása. Muosehuhttin ja vealaheapmi lea maid rihkus. Lea rihkolaš uhkidit soapmása dehe áŧestit soapmása vuollái 15 jahkásačča dahkat seksuálalaš áššiid neahtas.
Jus gieđahallá soapmása bahuid ovdamearkka dihte persovnna sohkabeali dehe oskku dihte lea dat vealaheapmi. Dakkaviđe go soamis gieđahallo bahuid, galgá dat váldot duođas!
Mii lea sivvan givssideapmái?
Dávjá sáhttá givssideapmi álgit go lea heajos dovdu joavkkus. Dat geat givssidit soitet geahččalit bissut čoahkis una jovkkožin leahkimiin ilgadat soapmása eará vuostá. Muhtumin givssideami sivvan lea dat ahte ii leat ráves olmmoš lahkosis gii váldá vásttu meannudit buriin vugiin goabbat guoibmáme vuostá.
Givssideami sivvan sáhttá maid leahkit ahte dat gii givssida veadjá heajuid ja danin geavvá nuppiid nala vai dovdá iežas nannoseabbon. Muhtumiin sáhttá givssideapmi lassánit daningo dat geat leat lahkosiin eai duostta luohpat. Sii soitet ballat ahte ieža givssiduvvojit dehe masset ustibiid.
Got givssideapmi sáhttá unnut?
Ii leat goassege nuorra olbmo vásttus eastadit givssideami. Skuvllas ráves olbmuin lea vástu nu ahte ii giige givssiduvvo. Goittotge buohkat sáhttet veahkehit unnidit givssideami.
Jus fuomáša ahte soamis givssiduvvo dehe dovdá iežas olggobealde, sáhttá čájehit ahte berošta. Muhtumiin sáhttá leat nuogis buorástahttit, dehe jearrát juoidá árgabeaivválaččat, vai soamis sáhttá dovdat ahte beroštuvvo.
Sáhttá maid leahkit veahkkin muitaleame soames bargái skuvllas jus fuomáša ahte soamis givssiduvvo.
» Jus givssiduvvo