Maid mearkkaša bi, hetero dehe homo?

Leat leahkime golbma seksuálalaš mieđisvuođa: leahkit biseksuálalaš, heteroseksuálalaš dehe homoseksuálalaš. Dávjá lávejuvvo dadjat  ahte lea homo, hetero dehe bi.

  • Biseksuálalaš lea go ráhkistuvvá dehe anistuvvá sihke nieiddaide ja bártniide.
  • Heteroseksuálalaš lea go ráhkistuvvá dehe anistuvvá soapmásii nuppi sohkabealis. Eará sátni dasa lea “straight.”
  • Homoseksuálalaš lea go ráhkistuvvá dehe anistuvvá soapmásii seamma sohkabealis. Eará sátni dasa lea “gay”. Nieiddat geat liikojit nieiddaide sáhttet gohčodit iežaset lesban dehe “flata”. Bártnit geat liikojit eará bártniide sáhttet gohčodit iežaset “bögen”.

Dábálaš ahte jurddaša iežas seksuálalaš mieđisvuođa

Lea dábálaš ahte jurddaša iežas seksuálalaš mieđisvuođa. Makkár seksuálalaš mieđisvuođa atná iežasis leahkit sáhttá rievdat eallima áigge.

Olmmoš mearrida ieš háliidago gohčodit iežas bi, hetero dehe homo. Sáhttá maid válljet ahte ii leat mangelágán sierra seksualalaš mieđisvuohta.

Birrasa vuordámušat

Biras anilda dávjá ahte olmmos lea heteroseksualálaš. Jus ii dovdda iežas seksualálažzan sáhttá dagahit ahte dovdá iežas earálágánin, oaidnemeahttumin dehe olggobealde.

Muitalit  iežas seksuálalaš mieđisvuođas

Beroškeahttá makkár seksualálaš sodju iežasis lea mearrida álo ieš jus ja goas háliida muitalit das earáide.

Jus lea heteroseksualálaš ii dábálaččat dárbbat muitalit dan daningo dat máŋgga geardde váldo diehttelassan.

Jus lea homoseksuálalaš dehe biseksuálalaš, sáhttá joskos dovdat ahte háliida dehe dárbbaha muitalit dan.

Seksuálalaš mieđisvuođas ii leat miige vuogis dehe hámis dahkamuš

Muhtumin soitet muhtimat jáhkkit ahte olmmoš lea muhtin ládje sorjavaš makkár seksuálalaš mieđisvuohta olbmoš lea. Ahte galgá liikot muhtin áššiin, oidnot bajil muhtin ládje dehe olbmos galget leahkit dihto beroštumit.

Muhto iešvuođat, hápmi, beroštumit, dehe mot vállje eallit eallimis, ii leat dahkamuš dainna makkár seksuálalaš mieđisvuohta olbmos lea.

Lágaheapme vealahit seksuálalaš mieđisvuođa dihte

Beroškeahttá makkár seksuálalaš mieđisvuohta ovttaskasas lea, lea olbmos riekti eallit nugo háliida.

Vealahit soapmása seksuálalaš mieđisvuođa dihte lea lágaheapme

Jus šaddá veahkaváldima vuolážin iežas seksuálalaš mieđisvuođa dihte lea dat erenomáš duođalaš rihkus mii gohčoduvvo vašširihkušin.