Leago dus gohčodannamma neahtas? Dalle dovdet sihkkarit du ustibat du gohčodannama, muhto earát eai dieđe gii dien nama duogábealde lea – eai du albma nama, man boaris leat eaige dieđe leatgo gánda vai nieida. Muhtin neahttabáikkiin, ovdamearkka dihtii Facebookas, lea dábálaš geavahit olles nama ja vejolaččat vel eará persovnnalaš dieđuid. Eará báikkiin lea ortnegis leat namaheapmin, dahje geavahit gohčodannama.
Duohta. Vai…
Sáhttá leat gelddolaš hutkat áibbas ođđa identitehta mas ieš beasat mearridit sohkabeali, agi, riikkavulošvuođa, beroštumiid ja vuoktaivnni. Lea somá leat 20 jagi boaris ja stuorra násti ovtta eahkedii!
Muhto it leat dušše don gii sáhtát ráhkadit mahkáš-profiilla. Diet hirbmat čáppa nieida geainna leat oahpásmuvvan Nettbyas, ii soaitte dattetge leat Emilie. Ja ii son soaitte leat 12-jahkásaš. Emilie albma namma soaitá leat Gunnar gii lea 47 jagi boaris?!
Interneahtas sáhtát deaivvadit olu gelddolaš olbmuiguin. Eatnašat geaid deaivvat, leat smáđáhkkásat. Dađi bahábut deivet muhtimat olbmuid geat eai leat rehálaččat dan ektui geat sii leat ja maid sii áigot. Lihkus eai leat gallis geat vásihit surgadis áššiid, muhto dattetge lea dehálaš diehtit ahte nu sáhttá geavvat.
Olu lea sihke ortnegis ja oadjebas juogadit earáiguin bloggas, Nettbyas dahje Facebookas. Muhtin áššiid lea buoret ja dorvvoleabbot juogadit njuolga lagaš ustibiin, guovttá gaskka.
Don dat mearridat maid háliidat juogadit geainna.
Gáldu: Du bestemmer