Ohcanáigemearri alit ohppui lea cuoŋománu 15. b.
Sámedikkis leat sierra stipeanddat erenoamážit dutnje jos válljet ovdaskuvla- dahje vuođđoskuvlaoahpaheaddji oahpu sámegielain. Don sáhtát oažžut gitta 30 000 ru rádjai oahpu ovddas mii addá gaskal 30 ja 60 oahppočuoggá, ja gitta 60 000 ru rádjai oahpus mii addá 60 oahppočuoggá dahje eanet.
-Vállježat dal šaddat ovdaskuvlaoahpaheaddjin dahje oahpaheaddjin, de leat deaŧalaš resursa sámi giella ja kultuvra ovddidanbarggus, dadjá ráđđelahttu Balto.
Sámi allaskuvla lea okta dain allaskuvllain mii čavčča rájes fállá oahpu gollevirggis. Sámi allaskuvla lea áidna allaskuvla Norggas gos oahpahus lea sámegillii. Doppe lea dus erenoamáš vejolašvuohta váldit sámi vuođđoskuvlaoahpaheaddjioahpu 1. - 7. cehkiin ja sámi ovdaskuvlaoahpu.
Stáhta loatnakássas lea dasto jagi 2010 rájes ođđa loatnasihkkunortnet gitta 50 000 ru rádjai jos válddát 60 oahppočuoggá sámegielas oassin oahpaheaddjioahpus.
Gáldu: Sámediggi