Interneahtta lea somá. Sáhtát háleštit ustibiiguin MSN:s, geahččat filmmaid YouTubes, viežžat musihka, galledit ustibiid ruovttusiidduid ja juohkit iežat govaid. Interneahtta addá hirbmat olu vejolašvuođaid gullot ja oidnot.
Lei eará láhkai go du váhnemat ledje nuorat.
Sii livčče ferten jo measta leat máilmmi buoremus spábbačiekčit, dahje Nobel ráfibálkkašumi vuoitit, vai stuorra olgomáilbmi livččii fuomášan sin. Dál sáhttet miljovnnaid mielde olbmot geahččat govaid maid don bijat Flickrii dahje du video YouTubes – sihke áhkku Kløftas, bohccebargi Brasilas ja son guhte šaddá du moarsin/irgin moatti jagi geahčen.
Birra eatnama
Dus soaitá leat siidu Nettbyas, Facebookas, Piczos dahje eará neahttaservodagas, dahje dus lea blogga gosa leat almmuhan govaid ja muitalan veahá iežat birra. Dalle dáiddát maid leat jurdilan leago ortnegis ahte kránnjá dahje du váhnemat oidnet maid don almmuhat. Lea oainnát vejolaš ahte oidnet…
Muhtin neahttaservodagain sáhtát mearridit geat galget oaidnit maid du profiillas. Muhto mearkadeapmi ja čuohpa ja liibme lea álki neahtas. Oatnelanbottas sáhttá dat mii lei dušše ustibiidda oaivvilduvvon, geavvat earáid gieđaid gaskii. Ja dan mii lea almmuhuvvon, sáhttá leat váttis jávkadit.
Du iežat arkiiva
Leatgo mielde valáštallansearvvis? Dalle soaitá searvi leat almmuhan govaid dus iežas neahttasiidui. Soaittát vel leat nu buorre ahte aviisa lea jearahallan du ja almmuhan jearahallama nehttii. Jus leat mielde skuvlamusihkas, de soaittát gávdnat čáppa govaid dus miessemánu 17.b. ráiddus.
Dat mii du birra lea almmuhuvvon Interneahtas, sáhttet earát viežžat ja vurket iešguđetge sajiide. Jus muhtin ohcá du nama ohcanbálvalusain nugo Kvasir dahje Google, de sáhttet gávdnat moanaid siidduid ja hábmet gova das makkár olmmoš don leat. Muhtin láhkai ožžot buot olbmot áiggi mielde iežaset arkiivva Internehttii.
Don dat mearridat mo du arkiiva Interneahtas galgá leat.
Gáldu: Du bestemmer