1. ÁLGGE DÁL
2. ÁLE VUORDDE DASSÁŽII GO BARGGUT ALMMUHUVVOJIT
Lea gánnáhahtti sáddet ohcama ovdal go barggut almmuhuvvojit. Jus vuorddat gitta dassážii liigebarggut almmuhuvvojit de lea váddát oažžut barggu, go dalle leat ollugat geat maiddái ohcet. Ollu sadjásasbargit ožžot bargguid mat eai goassige leat almmuhuvvon. Čuovo lihkká beaivválaččat áviissaid almmuhusaid. Čuojahat dalán go gávnnat geassebarggu mii orru heivemin.
3. GEAVAT IEŽAT OAHPPASIID
•Gulaskutta oahppásiiguin gos dárbbašit bargiid/ bargofámuid.
•Čuojat ruovttugildii ja jearral leago sis liigebarggut nuoraide.
•Čális CV ja ohcama. Váldde máŋgemušaid CV:as ja ohcamis, ja de válddat fárrui buot sajiide gos hálidivččet bargat. Atte čállosiid bargiid ovddasvástádeaddjái. Go don ieš finat addimin ohcama ja CV bargoaddái, de lea sus álkkit muitit du go dárbbaša bargi. Leage iešheanalaš ja ále fal sádde báhpáriid earáid mielde. Oza ieš bargosaji danin go dat addá buori gova dus.
4. OZA DIEHTOVUOĐUIN INTERNEAHTAS
Ovdamearkkadihtii:
NAV
MONSTER
FINN
5. MAKKÁR BARGGUIDE SÁHTAT OHCAT?
Ii leat alo seamma álki diehtit makkár bargguid lea lohppi váldit. Gávdnojit garra njuolggadusat makkár bargguid sáhtat váldit go leat bargoagis. Dát njuolggadusat leat mearreduvvon du várás:
13 jagi: 13 jagis sáhtat váldit álkkes bargguid nugo ovdamearkkadihtii čoaggit murjjiid dahje juohkit áviissaid.
15 jagi: Go leat badjel 15 jagi sáhtat váldit bargguid mat eai leat lossat dearvvašvuhtii ja ovddánahttimii, nugo ovdamearkkadihtii bargat buvddas dahje kantuvrras.
18 jagi: Go leat deavdán 18 jagi de lea dus lohppi váldit ollesolbmobargguid nugo ovdamearkkadihtii vuovdit vuolaid, viinnaid, duhppáhiid, ja earret go leat deavdán 20 jagi de lea lohppi vuovdit buolliviinnid.
(Gáldut: Sommerpatruljen, LO / LO Geasserávvejeaddjit)
6.VÁRUT FAL!
Go leat ožžon fálaldaga geassebargui? Maid de dagat??
Muitte oažžut čálalaš bargošiehtadusa mas bargoáiggit, bálká ja luopmu lea heivehuvvon. Dus lea vuoigatvuohta váldit geasseluomu. Jus leat searvan organisašuvdnii de lea vuoigatvuohta gáibidit mávssu buot barggu ovddas maid barggat badjel mearreáigge mii lea 37,5 dimmu vahkkui. Muđui sáhtat bargat gitta 40 dimmu vahkui.
Jus it oaččo bálkáduođaštusa, de gáibit!
Danin go dát lea du duođaštus ahte vierru lea gesson, ja lea maiddái dáhkádus ahte don leat ožžon bálkká buot dimmuid ovddas maid leat bargan..