Ohcan ja CV ovdamearkkat fertejit heivehuvvot daid bargguide gosa ozat. Jus ozat bargguide gos gáibiduvvo hutkáivuohta nugo ovdamearkkadihtii rássečiŋaheaddji dahje grafálaš hábmejeaddji dalle sáhtat čállit veahá erenoamáš ja ivdnás ohcama dan ektui go ozat kantuvra- dahje buvdabargguide. Mo dál de hápmežat de galgá aŋkke leat álki lohkat ja gávdnat dieđuid ohcamis ja CV:as.
RÁVVADAGAT MO GALGÁ ČÁLLIT OHCAMA
Ohcama sáhttá hábmet guovttelahkai:
1) Ohcan gos boahta ovdán oahppo- ja bargoduogáš lea heivvolaš jus ii leat nu guhkes ráidu oahppo- ja bargoduogážis.
2) Ohcan gos dus velá lea CV mielde. CV lea sierra siidu mii čájeha oahppo- ja bargoduogáža.
Dá lea ovdamearka ohcamii ja CV:ii.
· Čále oanehaččat ja aiddolaččat. Jus nákcet čállit ohcama ovtta mášiidnačállon A4-siidui de evttohivččen dan.
· Čále justa makkár virggi ozat.
· Čále ođđa ohcama mii lea heivehuvvon daid iešguđetge bargoaddide.
· Čále álo eará ohcama mii lea heivehuvvon juohke bargosadjái gosa ozat.
· Geavat Báhppára ja konfuluhta mas ii leat fitnodatnamma/ -logo.
· Doaimmat sáddet mearreduvvon áigái.
Referánssat:
Ohcan nannejuvvo jus dus leat čujuhusat referánssaide. Referánssat leat olbmot geat sáhttet addit eambbo dieđuid du bargomáhttuid birra. Dás sáhtat geavahit otná ja ovddeš bargohoavddaid, ovddeš oahpaheaddjiid ja skuvllaustibiid geain leat alit virggit go dus. Sáhtat maiddái geavahit oahpesolbmo gii du mielas sáhttá addit buorre gova/dieđuid du birra. Čále dáid olbmuid virggiid, bargobáikkiid ja telefuvdna nummariid. Muitte sis jearrat ovdalgihttii lobi geavahit sin referánsan.
Mielddus:
Sáddes vela máŋgosa duođaštusain ja maiddái CVas, muhto gáržžit vai eai šatta menddo ollu báhppárat! Váldde dušše duođaštusaid mat gáibiduvvojit. Máŋgii deattuhit ovvdalgihtii ahte ii galgga sáddet buot báhppáriid ja dalle ii galgga dahkat dan. Bargoaddi sáhttá hálidit ahte don galggat sáddet bargogeahččaleamiid muhtin bargguide. Jus eahppidat maid galggat sáddet oktan ohcamiin, de riŋges ja jearral!
Lohkal ohcama ja geahča gávdnojit go čállin dahje eará meattáhusat ovdal go sáddet ohcama bargosadjái.
OHCAMA SISDOALUS GALGÁ LEAT
· Du namma
· Adreassa ja telefuvdna nummar
· Áigodat
· Vuostáiváldi námma ja adreassa
· Bajilčálla. Čujuhus gáldui ja oktavuhtii.
· Iežat duogáš: Dá lea ovdamearka ohcamuššii ja sierra CV-ii masa lea biddjon ollislážžat dieđut oahppo- ja bargoduogážiid birra. Ohcamis ovdanbuvttat dušše daid deháleamos áššiid CV:as mat gusket virgái, ja maiddái vásáhusaid mat eai boađe ovdan CV:as. Jus it bija CV mielde ohcamii de fertet vuđolaččat duođaštit bargguid, skuvllaid, kurssaid ja eará máhtolašvuođaid.
· Vuođustus ohcamii: Dása čálát man gelddolaš bargu lea dutnje ja manne don heivet virgái (iežat máhttuid). Namut ovddeš bargguid maid geavhat ággan manin don heivet dán bargui.
· Referánssat: Geavat bargoaddiid dahje oahpheaddjiid geat dovdet du bures ja sáhttet muitalit du iešvuođaid birra. Vállje referánssaid geain dus leat buorre oktavuohta! Referánssaid sáhtat maiddái čállit CV:ii. Dalle sáhtat čállit ohcamii referánssaid geat sáhttet muiltalit du máhttuvuođa justa dán bargui masa ozat.
· Vuollaičálá
· Mielddus – Čále galle mildosa dus leat, ja čále makkár mildosat dus leat (ovdamearkkadihtii bargoduođaštusat, oahppoduođaštusat ja bargogeahččaleamit).
OHCAN EVTTOHUS
Eva Hansen
Eventyrveien 2
8600 Mo i Rana
Tlf.: 88 00 00 00 24. beaivve cuoŋománus 2000
Nárviiká mánáidskuvla
v/ rektor Alfred Solness
8500 Narviika
OHCAN OAHPAHEADDJI VIRGÁI
Čujuhan ohcama almmuhussi ”Fremoveris” 14. beaivve cuoŋománus 2004. Giitán gelddolaš ságastallama rektor Alfred Solsnessan, ja hálidan ohcat dán almmuhuvvon oahpaheaddji virgái.
Lean bargan oahpaheaddjin Bergenis, Aag mánáidskuvllas 1998 rájis. Lean eanemusat oahpahan luonddu- ja birassuorggis, eŋgálasgielas, valáštallamis ja musihkas. Mun leamaš Mo I Rana mánáidskuvllas olles virggis 2001 čávčča rajis. Dán áigodagas ledjen mun luohkkáoahpaheaddjin guovtti luohkás.
Dieđuid ja duođaštusaid gávdnabehtet mu CVas mii lea mielddusin dán ohcamis.
Mun lean čuvvon Nárviika mánáidskuvlla huksema miellagiddevaččat ja hálidivččen oahpahit dákkáraš skuvllas gos leat váldán atnui ođđa oahppofálaldagaid. Hálidivččen fas máhccat mánnávuođa báikái Nárvikii lagabui bearraša, maŋŋa hávskás jagiid Ranas. Hálidan maiddái oasálastit ođđasit Narviika rikkes valáštallan- ja musihkkaeallimin.
Referánssat
1. Rektor Hans Johnsen, Mo mánáidskuvla, telefuvdna 10 00 00 00.
2. Allagohcci Halvor Endresen, Aag mánáidskuvla, telefuvdna 30 00 00 00.
Dearvuođaiguin
Eva Hansenis
Mildusat: 8