Mii lea seksuálalaš illásteapmi
Jus muhtin; oahpaheaddji, hárjeheaddji, váhnen dahje eará njávkada dahje čárvu du, de lea dat seksuálaš vearredahku jus du mielas lea dat unohas.
Jus ii leat fyskálaš guoskkaheapmi, de sáhtá váttis ipmirdit ahte geavahuvvo seksuálalaččat.
Danin lea dehálaš diehtit ahte maiddái teakstadieđut ja e-poasttat main leat seksuálalaš sisdoalut leat vearredagut.
Čiegusvuohta
Álo go muhtin geavahuvvo seksuálaččat, de lea dat boastut.
Mánát eai duostta biehttalit jus ollesolbmot illástit sin.
Jus mánná, nuorra dahje ollesolmmoš veagalváldo, de dávjá heahpanaddá ja sus sáhtá maid heajos oamedovdu. Maiddái illásteaddji soaitá heahpanaddat ja lohká ge dávjá; “jus eatnásat dahje áhččásat muitalat dán birra, de ii oktage jáhke dutnje”. Vearredahki geahččala dáinna lágin balddihit gillájeadji vai son ii muital veagalváldima dahje eará lobihis seksuálalaš daguid birra.
Jus illástuvvo
Nugo lea namuhuvvon, de ii soaitte olmmoš álo ipmirdit ahte lea geavahuvvon seksuálaččat dahje olmmoš heahpanaddá dan dihte, danin lea dehálaš muitalit dán birra jus ballá dán dáhpáhuvvon. Álo lea gillájeadjis riekta muitalit illástemiid birra.
Jus muhtin fuolki illásta, de ii lea buorre váldit oktavuođa muhtimiin geas eai leat čanastumit bearrašii. Sunnja lea álkit hállat.
Muitte ahte olmmoš álo ieš veardida leago geavahuvvon seksuálalaččat, earáin ii lear riekta dan árvvoštallat.