Boraspiret leat dehaleabbo go ahte oarjelsámi kultuvra galga seailut, oaivvilda 40 proseantta Trønder-Avisa iskadeamis (loga dás). Oarjelsámi boazodoallu ja giella sáhtta jávkat stuora guovlluin, muhto sámi servodat ii oro berošteame. Leatgo mii hilgume Elsa Laula Renberg ja Daniel Mortenssona árbbi?
Oarjesápmelaččat gehččet sámi-tv ja lohket sámi aviissaid, muhto hárve gullo mihkkege sin dili birra. Sii dorjot Sámedikki, muhto min njunnožat eai astta sis beroštit. Dieinna lágiin sáhtaledje oarjelsápmelaččat rievdadit Mari Boine beakkan lávlaga.
2003s dutken journalistaoahpu bachelorbarggustan ahte man dávja lullisápmelaš ášši oidno sámi tv:s. Čájehuvvui ahte gaskkamearalaččat golla guokte vahkku juohke ášši gaskas. Illá jáhkan dili buorranan namuhanveara dan rájes. Dasgo davvisámi majoritehtta orru oalat hilgume oarjelsápmelaččaid ráhččamušaid. Gieskkat celkkii Janoš Trosten ahte oarjelsápmelaččat eai ánssaš seamma rivttiid go davvisápmelaččat. Orru leame ahte Trosten lea oalat vajaldahttan ahte oarjelsámis dat álggahuvvui sámi lihkadus 1917s. Oarjelasámiguovttos Elsa Laula Renberg ja Daniel Mortensson leigga njunnožis cahkkeheame dola mii galggái čatnat sápmelaččaid oktii ja cegget sámi našuvnna (ii fal stáda. Loga definišuvnna dás). Leatgo sámi politihkkarat vuollanan oktasaš sámi servodaga hukset, muhto geavahit baicca buot návccaid iežaset ruovttogilliide háhpohallat?
Sivilisašuvdna definerejuvvo dávja dan vuođul ahte moht dat meannuda iežas geahohepmosiid. Jus dat leačča duohta de eat leat beare guhkas joavdan.
Abonner på:
Legg inn kommentarer (Atom)
3 kommentára:
Diet lea nu duohta ja nu bures daddjon. Doarjjun. :)
d. Anne Lenes
I've looked all around the sides and i can't find where to put the sim card. The instruction booklet did not say anything about inserting the sim card, however, when i turn the iPhone on, it says "Please insert valid sim card" or something like that. Any suggestions?
[url=http://unlockiphone22.com]unlock iphone[/url]
Good dispatch and this enter helped me alot in my college assignement. Gratefulness you for your information.
Legg inn en kommentar