Johtalusdepartemeanta
08.10.2004
NJUOLGGADUS
RIEVDAMA BIRRA NJUOLGGADUSAS ČAKČAMÁNU 21. BEAIVVI 1979 NR. 7 MII LEA DAN BIRRA AHTE GEAVAHIT
SUODJEBIERGASIID GO VUODJÁ MOHTORFIEVRRUIN
Mearriduvvon Johtalusdepartemeanta
golggotmánu 8. beaivvi 2004 geaidnojohtolatlága vuođul mii lea mearriduvvon geassemánu 18. beaivvi 1965 nr. 4 §
23 a. Geahča EØS-šiehtadusa mildosa XIII nr. 17 a (Rdir 91/671/EØF).
Rievdaduvvon suoidnemánu 16. beaivvi 1984 nr. 1496, golggotmánu 22. beaivvi
1986 nr. 2151, cuoŋománu 26. beaivvi 1988 nr. 311, suoidnemánu 18. beaivvi
1989 nr. 654, ođđajagimánu 28. beaivvi 1993 nr.51,
čakčamánu 17. beaivvi 1993 nr. 857, geassemánu 23. beaivvi 1994 nr.
647, juovlamánu 19. beaivvi 2001 nr. 1506.
I
Njuolggadusas
čakčamánu 21. beaivvi 1979 nr. 7 mii lea dan birra ahte geavahit
suodjebiergasiid go vuodjá mohtorfievrruin, dahkkojit čuvvovaš
rievdadusat:
§ 2 galgá čuodjat:
Juohkehaš galgá geavahit
dohkkehuvvon mohtorfievrruide jurddašuvvon suodjegahpira go vuodjá
muohtagielkkain, guovtte- ja golmmajuvllat mohtorfievrruin (dása gullá maid
njealljejuvllat mohtorsihkkel), ja go lea guovttejuvllat mohtorsihkkela
siidovovnnas dahje go lea muohtagielkka reagas.
Gohčus aŋkke ii leat
dalle go:
a) fievru lea orrume jaska,
b) lea vuodjime biilavistái,
bisanansadjái, bensinstašuvdnii, divuhanbáikái dahje sullásaš ráddjejuvvon
báikái,
c) lea vuodjime muohtagielkkain
boazodoalus, meahccedoalus dahje go lea divodeame ja dárkkisteame
fápmoskuittuid/-linjáid,
d) lea vuodjime njealljejuvllat
mopedain mas lea giddejuvvon goavdi,
e) lea vuodjime
muohtagielkkain/njealje-/guđajuvllat mohtorsihkkeliin suodjalusa
ossodagain go Suodjalusa suodjegahpir geavahuvvo,
f) go dohkkehuvvon¹ ja
CE-merkejuvvon² alpinsuodjegahpir geavahuvvo vuojidettiin muohtagielkkain dahje
čohkkádettiin muohtagielkka reagas.
¹ Geahča. ICS 13.340.20;
97.220.20, geahča. NS-EN1077.
² Geahča njuolggadusa
borgemánu 19. beaivvi 1994 nr. 819 suodjebiergasiid ráhkadeami, hábmema ja
buvttadeami birra (PVU).
II
Rievdadusat bohtet ovttatmano
fápmui.
