Skuvlaođas

Dálošvákki skuvla fas neahtas 2006-02-06

Jippi. Dálošvákki skuvlla neahttasiidu lea fas anus. Čuovo mielde: Mii bidjat dađistaga ođđasiid ja dieđuid nehttii. Ođas dál: Dálošvákki skuvllas lea ođđa hápmi - iluin mii geahččat skuvlla! Mii áigut almmuhit govaid mat vuosihit min "ođđa" skuvlla.

Mii hálidit almmuhit govaid ja teavsttaid mat muitalit maid mii bargat skuvllas. Mii bargat oppa áigge olu miellagiddevaš prošeavttaiguin.

 

8. luohkká lea dál ráhkadeamen hirbmat stuora seaidneáviissa suohkana birra. 

9. luohkká lea bures beassan johtui ráhkadit iežaset áviissa vuovdemassii. Smávvá osiid sin áviissas mii áigut bidjat min neahttasiidui.

10. luohkká lea bargame čiekŋudanbargobihtáin (jahkeprošeavttain). Oahppit leat ieža mearridan masa sii hálidit čiekŋudit. Muhtimat leat válljen duhppet, čiŋaid duddjot, ruvssomálema, mopeda divvut, lanjaid málet jnv.

Juohke 14. beaivvi bidjat nehttii luohkáid bargoplánaid, dál vuosttaš geardde mánnodaga 13.2.

Ođasmahttojuvvon jahkeplánat ja iežá dieđut bohtet maid nehttii. Čuovo mielde.....