Gáhtti ietjá ulmutjij lahka årrot ja válde persåvnålasj åvdåsvásstádusáv
Gájkaj åvdåsvásstádus la hieredit covid-19 soahpomav. Gáhtti iehtjádij lahka årrot goappátjagá sinna ja ålggon.
Åro hejman gå la skibás
Åro hejman bargos jali skåvlås jus la skibás ja dujna l snuohpa, gåsås jali feber. De dån i iehtjadijt soabo. Fámon la aj jus dujna l vehik feber.
Åro hejman nåv guhkev gå la skibás. Jus nävro ja i bierggi ietjassujtujn hejman de máhtá riŋŋgit 1177 skihpasujttorádevaddemij. Máhttelis la mannat ruoptus bargguj jali skåvllåj vájku dujna l gåsås váni slijve dagi jus la vássám 7 biejve dat rájes gå skihppáji ja dån la årrum symtomadagi binnemusát guokta jánndura.
Vuorde binnemusát guokta jánndura maŋŋela gå la buorránam åvddål gå maná ruopptot bargguj jali skåvllåj.
Vuorrasappujn la stuoráp vádá tjavgga skihppát. Danen la ájnas ij guossidit ulmutjit skihpadåben jali vuorrasijårromijn. Dån gut barga vuorrasij sujton i galga bargguj mannat jus dujna li moadda symtoma skibádagás.
Ájtsa covid-19 symtomajt
Symtoma covid-19 skibádahkaj li åvdemusát feber ja gåsås. Vuojŋŋamvájve, snuohpa, njunnjebuodusibme, tjiebetbáktjasa, oajvveluottudahka, måjdås, diehkko- ja ladásluottudahka li aj iemelágásj symtoma.
Ienemusá oadtju giehppis vájvijt ma ietjastis gáhtu ietjassujtujn hejman. Muhtema tjavgga skihppáji buojkulvissan vuojŋŋamvájvij ja giehpesvuolsjijn. Gulá gus symtomajs muhtemav de gähttjala i gávnadit ietjá ulmutjij.
Bassat giedajt álu
Ábnnasa ma virusav oabllodi li sieldes såhpulisá ja álkket dähppu giedajda. Oabllu gå giedas buorástahtá. Álu basá danen giedajt sájbujn ja liegga tjátjijn, binnemusát 20 sekunda.
Basá agev giedajt gå häjmmaj boadá jali gå bargguj boadá gå la ålggon årrum. åvddål gå bårå, biebbmogiehtadimen ja gå la hivsigin mannam. Giehtasprijtta lisj dávk alternatijvva gå ij la máhttelis giedajt bassat.
Giehtasprijtta
Jus sájbbo ja tjáhtje ij gávnnu, de ane giehtasprijtav binnemusát 60 procännta alkoholajn.
Gåså ja gassne giehtagávvaj
Gå gåså ja gasná de oabllu smávva gåjkanisá såhpulis ábnnasij ma máhtti virusav oabllodit. Gåså ja gassne giehtagávan jali páhpernjunnjesagárdagán de hiereda soahpomav oabllot ietjat birrusij jali ietjat giedajda. Håjggåda agev páhpernjunnjesigárdagáv páhperlihttáj ja basá giedajt.
Gáhtti tjalmijt, njunjev ja njálmev duohttat
Soahpom oabllu sjnjartjáj tjadá tjalmijn, njunjen ja njálmen. Danen gáhtti tjalmijt, njunjev ja njálmev duohttat.
