Skallolåhkke oassálassti mæssogárvedimen, jáhkkoåhpadusán ja ietjá dåjmajn ålggon ja sinna. Ájggomus la gålmmå sámegiela, oarjjelsámegiella, julevsámegiella ja nuorttasámegiella galggi aneduvvat ålles læjrraájge dárogiela buohta. Dæddo biejaduvvá hiebadahtátjit åhpadimev, dåjmajt ja væjttoájgev, vaj gájkka oassálasste dåbddi ietjasa siegen sámegielak jáhkkoaktisasjvuodan ålles læjrraájge.
Sáme skallolæjrra ásaduvvá ja tjadáduvvá aktisasjbarggon Sáme girkkorádijn, tjoaggulvisájn gånnå sáme årru ja gålmå nuorttalamos bisspaguovlojn. Ulmme le dahkat sáme skallolejrav oassálasstij ålles lándas. Sáme girkkoráde le måttijt jagijt ásadam sáme nuorajájllegijt kursaj nuorra jådediddjijda gudi li guovdásj guojmmebargge skallolæjrra båttå.
Gejna ságastit:
Tove-Lill Labahå Magga
seniorrádediddje jáhkkoåhpadibme
Epoassta: tm884@kirken.no
Skuolkan: 23081233