Le gus gruvvodåjma-vuosteldibme jåksåm Divtasvuodnaj ja Hábmerij?
Ságastallám boahtteájge ådå ja stuoráp Hábmera suohkanin birra. Joarkkan suohkanrefoarmmaj gåhttju Sálto sámesiebrre NSR ságastallamij ja dágástallamij ådå Hábmera suohkana birra ja gåktu suohkan galggá sáme suohkanin. Makkira li hásstalusá ja vejulasjvuoda ådå suohkanstruktuvraj, ja gåktu galggá Hábmera suohkan dahkat julevsáme gielav ja kultuvrav guovdátjin.
Gånnå ja goassa? Mánnodagá, moarmesmáno 15. biejve, kl. 1800, Árran julevsáme guovdátjin, Ájluovtan.
Ságastalátjit båhti:
NSRs presidentkandidat til sametingsvalget 2017, AIli Keskitalo, og leder for Sálto sámesiebrre og NSRs 1.-kandidat i Vesthavet valgkrets, Mikkel Eskil Mikkelsen
Aili Keskitálo, presidænntaoajvvadus NSR
Jan Folke Sandnes, bahkojådediddje Hábmerin
Mikkel Eskil Mikkelsen, vuostasj ájrasasses NSR Viesstemeran.
Åvdåstiddje sáme æjgátsiebres.
Diakåvnnå Divtasvuona Girkkulasj aktisasjráde.
Giella ja åhpadibme
Gåktu galggá ådå suohkan háldadit julevsámegielak åhpadimev mánájgárdij ja skåvlåj? Galggá gus Ájluovta skåvllå sáme profijllaskåvllån? Le gus ulmme fállat sámegiellaåhpadusáv Hábmerav miehtáj? Sjaddá gus Hábmera suohkan buktet háldadahttját julevsámegielav.
Varresvuohta
Buorre sáme varresvuodafálaldahka vádnunam måttijt jagijt. Gåktu máhttá sihkarasstet buorre sáme varresvuodafálaldagáv ådå suohkanin? Duodden la Divtasvuona-ássje bájnnim ådåsijt ja sebrudagáv maŋemus jagev. Le gus sáme varresvuodaguovdásj vásstádussan daj hásstalusájda?
Oversikt over noen inngrep i Tysfjord- og Hamarøy-området. (Skjermdump fra nrk.no.)
Árealla ja birás
Hábmerin la boandás minerállagávnos. Linnájávrre la guoradaláduvvam ja gå la binnemusát 100 milijåvnå tåna vuodjagierges mij vuordedahtte buktá 25 milliárda rudáv la Linnájávren jáhkedahtte stuorámus gávnos Nuortta-Europan. Duodden guoradaláduvvá minerállagávnnusa ietjá sajijn Divtasvuoana. Gåktus val sjaddá mijá ednamij jus ihti gruvvodåjma Hábmerij ja bieggamillo Divtasvuodnaj? Ålgoduvvi gus sámij berustibme ja riektá?
Gulldaliddje gåhtoduvvi gatjáldittjat.
Buoris boahtem!
