Danen lip ásadip rabás tjåhkanimijt moatten sajen Sámen, ja dujsta sihtam javllamusájt dán bargguj. Dálla hábbmigoahtá Sámedigge javllamusáv, mij galggá giehtadaláduvvat Sámedikke ållestjåhkanimes.
Dakkir kommisjåvnnå mij luluj ájnnasin ja luluj buorre sajev oadtjot sebrudagán luluj ræjddon liehket miellaguottojt rievddadime. Danen la ájnas gávnnat guhtimusj sebrudaksuorgijda kommisjåvnnå barggo galggá guosskat.
Sámedigge diehtá, sáme álmmuk la gillam stáhtalasj dárojduhttempolitihka diehti, mij vibáj ienep gå 100 jage. Edna sábme vilá dárojduhttema hávijt guoddi, ájnegis ulmutjin ja sebrudahkan. Ájnas oasse semadimes la aktisasj dádjadibme histåvrås, mij lij duohtavuohtan ja mij lij vierrevuohtan åvdep ájge, ma ihkap vilá li vájkkudime, ja aj gåvåjn histåvrå nievres bielijs badjelgæhttjamis ja vierredagojs vijddásasj ja guhkesájggásasj vájkkudimij. Dievalasj semadibme la gássjel åttjudit åvddåla duohtavuohta l sajenis ja duodastuvvam nav guhkás gå máhttelis, ja åvddåla oajválattja ja álmmuk duodaj li buojkkám mij la dáhpáduvvam ja makkir vájkkudimijt åvdep politihkka la maŋep buolvajda buktám.
Ulmme luluj snivva guoradallam mij doajmmá tjårggisvuohtan tjuovvo dåjmajda. Semadimbargo aktijvuodan la ájnas juhti sij gudi iesjgeŋgaláhkáj li vásedam ja gillam dárojduhttemav oadtju máhttelisvuodav ietjasa subttsasijt subtsastit. Kommisjåvnån la sáhka ådå máhtudagáv ásadit ja máhttogaskostimev mij dahká juhti l máhttelis udnásj sebrudagáv Vuonan dádjadit.
Lågå aj: Stuorradikke mærrádus duohtavuoda- ja semadimkommisjåvnå birra
Lågå aj: Sámedigge duohtavuoda- ja semadimkommisjåvnåv doarjju
Lågå aj: Kronihkka: Ålos vilá moatte buolvaj ja ietjasa låsså nådijt guoddi
Sámedigge l dållam rabás tjåhkanimijt dáppe:
Guovvamáno 12. b., kl. 18.00, Ä´vv Saa’mi Mu’zei, Njávdán
Guovvamáno 13. b., kl. 18.00, Várjjat Sámi Musea, Vuonnabahta
Guovvamáno 15. b., kl. 18.00, Álttá Sámi Giellaguovddáš, Áltá
Guovvamáno 21. b., kl. 19.00, Gjenreisningsmuseet, Hámmárfeasta
Guovvamáno 22. b., kl. 18.00, Davvi álbmogiid guovddáš, Gáivuotna
Snjuktjamáno 1. b., kl. 19.00, Sámi Viessu, Oslo
Snuktjamáno 5. b., kl. 18.00, Sámiid Vuorká-Dávvirat, Kárášjohka
Snuktjamáno 12. b., kl. 18.00, Rádeviesso suohkanstivrralanján, Romsa
Snuktjamáno 20. b. kl. 18.00, Várdobáiki, Evenášši
Snuktjamáno 21. b. kl. 18.00, Árran julevsáme guovdásj, Divtasvuodna
Snuktjamáno 22. b., kl. 18.00, Sámi giella- ja kulturguovddáš, Porsáŋgu
Vuoratjismáno 3. b., kl. 18.00, LES-viesso, Guovdageaidnu
Vuoratjismáno 9. b., kl. 18.00, Fjellkysten Gjestehus, Loabát
Vuoratjismáno 12. b., kl. 18.00, Stormen girjjevuorkká, Bådåddjo
Vuoratjismáno 16. b., kl. 16.00, Saemien Sijte, Snåase
Vuoratjismáno 17. b., kl. 18.00 Hotel Nordkyn, Gilivuonan, Davvesijdan
Vuoratjismáno 24. b., kl. 18.00, Aajege Saemien gïele- jïh maahtoejarnge, Röörose
Vuoratjismáno 25. b., kl. 18.00, Best Western Plus Hotel Bakeriet, Tråante